Alshabaab ayaa u guurisay Gabadho qaarkood da’dooda ka yar tahay Sagaal Sano oo Somali ah, ragg Ajaanib ah oo la sheegay inay ka soo kala jeedan Wadamada Pakistan, Kazakhstan, Iyo Weliba Yemen, waxana la sheegay in Aan lagala tashan Waalidka dhalay Gabadhan in ragga loo guuriyo iyo in kale, Sidoo kale waxa jira warar sheegaya in Gabadha qeybtood aysan raali ka aheyn guurka, in kasta oo kuwa ka mid ah Gabadhu aay Raali ka ahayeen arrintaasi

Guurkan waxa u ka dhacay magaalada Marka Ee Gobolka Shabeelaha Hoose Maalinimadii Isniinta, Waxana Tirada gabadha aay ahayeen sidaa la sheegay 13 gabadhood, kuwas oo labo ka mid ah da’dooda lagu kala sheegay 9 Jir, Iyo 8 Sano Jir, uuna muuqda Caruur aan waxba ogeyn

Dhamaan Gabadhan marka laga reebo Hal Gabadh oo la sheegay inu ka dhintay nin Alshabaab hore uga tirsana, Intaa kale waxay dhigan jireen Dugsi ku yaala Magaalada Marka oo u Macalin ka yahay nin Lagu Sheegay Magaciisa Macalin AbuBakar Abu Salama, kaasi oo la sheegay inu ka dambeeyey Qorshaha u guurinta Gabdhahan Raggan Ajaanibta ah ee Alshababa ka tirsan, Kuwas oo qaarkood aysan waxba ka aqoon Afka Somaliga, ayna dhib ku noqon doonto Gabadha Fahamka Ragoodan Cusub

Labo Asbuuc ka hor ayey aheyd sidaan oo kale markii Ninka u dhashay dalka Mareykanka ee ka tirsan Alshabaab Abu Mansur al-Ameriki u gabadh sidaan oo kale ugu guursaday degaanka Baraawe ee Islaa Gobolkaasi halkaasi oo aay u joogto Xaaskii Saddexaad Oo Somali ah

Dhinaca Kale Ma’aha markii ugu horreysay ee Alshabaab Gabadho Somali ah ku daaran ragg ka tirsan Ciidankooda Ajaanibta ah, Balse hoorantii Sanadkii hore ayey aheyd markii sidaan oo kale Gabadho Somali ah aay ugu dareen Ragga Ajaanib ah oo ka soo jeeda Wadamada afghanistan Iyo Pakistan

Intaa badan Shacabka ku dhaqan Gobolka Shabeelaha Hoose ayaa Xarakada Alshabaab waxay ku heysa Dhibaatoyiin aan la soo koobi karin, Kuwas Odayaasha degaanku

Maslaax Cabdi

Maslaaxcabdi@hotmail.com

Madaxweynaha Jamhuuriyada Md. Sheekh Shariif Sheekh Axmed oo shir jaraa’id ku qabtay Xurunta Madaxtooyada ayaa ka hadlay arrimo badan oo aay ku jiran Warbixin uu soo saaray Guddiga daba galka Hubka Somaliya, Iyo weliba Heshiiskii Dowlada iyo Ahlu Sunna ku dhexmaray Maalinimadii Shalay Magaalada Addis Ababa

Madaxweyne Sheekh Shariif Waxa u ku tilmaamay Warbixinta Qaramada Midoobay Guddiga u qaabilsan daba galka hubka ka soo baxday Mid been ah, waxana u sheegay in Warbixinta laga soo xigtay meelo aan lagu kalsoonan karin

Sidoo kale waxa u ka hadlay Heshiiskii Dowlada iyo Ahlu Sunna shalay kala saxiixdeen waxana u sheegay in Heshiiskaasi yahay guul u soo hoyatay ummada Somaliyeed

Madaxweynaha Ayaa sidoo kale Ammaan u jeediyey Ciidamada waxana u sheegay in ciidanka Dowlada Federaalka KMG aay yahiin kuwa leesku haleen karo, Waxana u sheegay in Ciidanka Dowlada Somaliya aay markasta Diyaar u yahiin iska difaacida Cadowga soo weerara dalka iyo dadka Somaliyeed sidaa u hadalka u dhigay

Ugu Dambeyntii Madaxweynaha ayaa sheegay in Safaaradii u ku tegey dalka Ingiriisku aay ku soo dhamaadeen Guul

Golaha Ammaanka ee Qaramada Midoobay ayaa loo gudbiyey warbixin uu soo saaray Guddiga Daba-galka Xayiraadda Hubka ee Somalia, waxayna sheegeysaa in musuqmaasuq baahsan oo aafeeyey DKMG ah, iyo in masuuliyiinta Puntland ay xiriir soke la leeyihiin kooxaha burcad-badeedda Dhegeyso

Warbixita, oo ka kooban 110 bog, ayaa ugu horreyn-ba sheegeysa in inkastoo ay saaxadda siyaasadeed ee Somalia si weyn isku bedeshay sanadkii tagay, oo la doortay hoggaan cusub, wadaaddo qunyar socod ahna ay majarihii dalka qabteen, in haddana xaaladda guud ee dalka, inay kasii darto m ahane, aaney wax weyn iska beddelin

Warbixinta Guddiga Daba-galka Xayiraadda Hubka

Colaad qabyaaladeysan

Warbixintu waxay sheegtay in colaadda ka aloosan koonfurta Somalia ay u xuubsiibatay mid qabyaalad ku saleysan. Waxaana illaa hadda meesha ka maqan koox ama dhinac cudud xooggan muujiyey, oo muquunin kara kuwa kasoo horjeeda.

Sidoo kale, warbixintu waxay sheegtay in Somaliland iyo Puntland, oo inta badan xeyndaab xasilloon uga dahaarnaa colaadda ragaadisay koonfurta Somalia, inuu iyana imminka soo gaaray faniinka colaaddaas.

Guddiga Daba-galka xayiraadda hubka, oo ah laanta soo saarta warbixinnada noocan ah sanadkiiba mar, ayaa xoogga saartay saddex qeybood.

Qeybta koobaad, waxay warbixintu xoogga saarta hubka sida sharci darrada ah ugu soo qulqulaya dalka Somalia, taas oo xadgudub ku ah xayiraaddii xagga hubka ee ay Qaramada Midoobay saartay Somalia, sanadkii 1992-dii.

Qeybta labaad ayay warbixintu xoogga ku saartay musuqmaasuqa iyo laaluushka aafeeyey hey’adaha dowladda KMG ah, iyo kuwa waliba qandaraaslayaasha daabula cuntada samafalka ah ee Somalia loo wado.

Qeybta saddexaad, ayay warbixintu diiradda ku saartay burcad-badeednimada, oo ay ku sifeysay inay noqotay mehered ay si qudbo siro ah uga macaashaan kooxaha burcad-badeedda, iyo siyaasiyiin badankooda ka tirsan maamulka Puntlnad.

Hubka sharci darrada ah

Haddii aan ku horreyno hubka sharci darrada ah ee Somalia ku qulqulaya, warbixinta ayaa sheegtay in hubka ugu badan uu wali Somalia kasoo galo dhanka dalka Yemen, balse waxay kaloo sheegtay in Ethiopia uu yahay dalka ugu weyn ee hub iyo rasaas siiya kooxo kala duwan oo Somalia jooga. Eritrea ayaa iyana soo raacda, iyadoo la sheegay in, inkastoo uu sanadkii lasoo dhaafay yaraaday hubkii ay Somalia geyn jirtay, haddana inay xoojisay taageerada dhaqaale, iyo midda siyaasadeed ee ay siiso kooxaha ku kacsan dowladda Somalia. Tusaale ahaan, Eritrea way qirsan tahay inaysan aqoonsaneyn DKMG ah ee caalamka intiisa kale uu inta badan aqoonsan yahay.

Dowladda KMG ah iyo ururka Ahlu-Sunna Wal-Jamaaca ayaa hubka ugu badan ka hela dowladaha dariska ah, sida warbixintu sheegtay. Laakiin kooxaha dowladda kasoo horjeeda, sida Xizbul-Islaam iyo Al-Shabaab, ayaa hubka intiisa badan ka iibsada suuq madow, suuqaas oo uu garwadeen ka yahay nin la yiraahdo Max’ed Siciid “Atom,” oo sida ay warbixintu sheegeyso ah dillaalka ugu weyn ee hubka ka keena Yemen, isagoo marka hore kasoo dajiya xeebaha Puntland, gaar ahaan Bariga Sanaag, halkaas oo uu saldhig iyo malleeshiyo-ba ku heysto. Warbixinta ayaa sheegtay in Atom uu malleeshiyadiisa u bixiyey “Mujaahidiinta Bariga Sanaag,” isagoo xiriir toos ahna la leh kooxda al-Shabaab, kuwaas oo tababar malleeshiyadiisa ku siiyey xero ku taalla deegaanka Galgala. Warbixinta ayaa sheegtay in Atom uu hadda billaabay inuu Galgala ka dhiso gegi dayuuradeed, iyo inuu isku diyaarinayo dagaal uu la galo maamullada Somaliland iyo Puntland.

Sidoo kale, warbixintu sheegtay in Xizbul-Islam iyo Al-Shabaab-ba ay hub iyo saanad wali ka helaan Eritrea, iyadoo kasoo dajisa xeebaha ku teedsan min Kismaayo illaa Muqdisho. Intaas waxaa dheer dagaal-yahanno ajnabi ah, oo wali kusoo qulqulaya. Guddiga Dabagalka Xayiraadda Hubka Qaramada Midoobay, ayaa tirada guud ee dagaal-yahannada ajnabiga ah wuxuu ku qiysaasay inay ka yar tahay kun dagaal-yahan, oo qaar kamid ah ay yihiin khubaro xagga tababarka iyo walxaha qarxa.

Guddiga ayaa sidoo kale sheegay in ciidanka dalka Ethiopia ay kusoo xera-taraareen gayiga Somalia dhowr goor, sanadkii lasoo dhaafay, gaar ahaan gobollada Hiiraan iyo Gedo, taas oo bay yiraahdeen xadgudub ku ah xayiraadda hubka ee Somalia saaran.

Xaraashidda Visooyinka

Qeybta labaad ee warbixinta, oo xoogga saartay musuqmaasuqa hareeryey DKMG ah  iyo qandaraaslayaal daabula raashinka gargaarka ah, ayaa sheegeysa in wasiirro iyo xildhibaanno ka tirsan dowladda Somalia ay iibiyaan Visooyin ama dal-ku-gal Reer Galbeed ah. Warbixinta ayaa magacowday saddex wasiir, oo kala ah: wasiirka  kalluumisiga iyo kheyraadka badda, ahna ra’iisul wasaare ku xigeen, Prof. C/raxman Ibbi, wasiirka dastuurka iyo arrimaha federaalka, Madoobe Nunow, iyo wasiirka qoyska iyo haweenka, Fowsiyo Max’ed Sheekh.

Prof. C/raxman Ibbi, oo ay VOA-du weydiisay eedeymaha ku saabsan Visooyinka la iibsaday mar uu ka qeyb galayay Barnaamijka Wicitaanka Dhageystaha maalintii Axadda, ayaa beeniyey eedeymahaas.

Ka sokow wasiirrada, waxay warbixintu magacowday mudane ka tirsan baarlamaanka, oo la yiraahdo C/caziiz C/llahi Max’ed (Cabdi-Xukun), oo sida ay warbixintu sheegtay ah dillaal weyn oo soo dhameeya Visooyinka. Warbixinta ayaa sheegtay inuu Cabdi Xukun ka faa’ideyso baasaboor Midwoga Africa ah, oo uu heysto, kuna helay xilli uu ka tirsanaa baarlamaanka Midowga Africa.

Sidoo kale, warbixinta waxaa lagu magacaabay danjiraha Somalia u fadhiya Nairobi, Max’ed Cali America. Danjire America, oo la hadlay Guddiga Daba-galka ee warbixinta soo saaray, ayaa beeniyey inuu ku lug leeyahay iibinta Visooyinka.

DKMG oo beenisay

Dowladda KMG ah ayaa beenisay dhammaan eedeymaha ku saabsan iibsiga Visooyinka, waxayna sheegtay in, inkastoo ay baaritaan sameyn doonto, haddana ay warbixintu u egtahay mid la been abuuray, sida uu leeyahay Eng. C/raxman Cismaan Yarisow, wasiirka lacagta ee DKMG ah, oo isna VOA-da la hadlay.

Si kastaba ha ahaatee, khubarada u kuur gala Somalia, ayaa qaba in ugu yaraan faa’iidada laga heli karo warbixitan, ay tahay in shakhsiyaadka la eedeeyey, iyo kuwa damca inay musuqmaasuq geystaan-ba, inay ku khasbanaan doonaan inay ka fiirsadaan tallaabadooda, kahor intii aaney qaadin.

Ra’ayigaas waxaa qaba Dr. Afyare Cabdi Cilmi, oo daraasaadka caalamiga ah ka dhiga Jaamacadda Qatar ee Doxa.

Sidoo kale, Prof. Afyare wuxuu qabaa in dowladda KMG ah soo dhaweyso baaritaankan.

Raashin la xaday

Warbixinta ayaa sidoo kale sheegtay in ugu yaraan kala bar raashinka gargaarka ah ee Somalia loo wado, inay dhexda ka saaraan qandaraaslayaal daabula raashinkaas, oo u shaqeeya heya’dda WFP. Mid kamid ah qandaraaslayaash, oo la yiraahdo Eng. C/qadir Eenow, ayaa war-saxaafadeed uu soo saaray toddobaadkan, wuxuu si xooggan u beeniyey eedeymaha loo soo jeediyey. Ha yeeshee hey’adda WFP ayaa sheegtay inay hakisay qandaraaskii ay siin jirtay saddexda shirkadood ee la eedeeyey.

Burcad-badeedda

Qeybta saddexaad ee warbixinta, oo xoogga saareysa burcad-badeednimada, ayaa sheegtay in, inkastoo ay gaashaan-buur caalami ahi isku taxallujisay inay xakameyso burcadda kusoo qamaamtay xeebaha Somalia, inay wali burcad-badeenimadu sii jirto, oo walibana ay soo xoogeysatay.

Warbixinta ayaa sheegtay in sababta ugu weyn ee burcad-badeeddu ay usoo xoogeysanayaan ay tahay iyagoo taageero siyaasadeed iyo badbaado-ba ka helaya goobaha ay saldhigyada ku leeyihiin ee aagga Puntland iyo bartamaha Somalia, gaar ahaan Xaradheere.

Warbixinta ayaa sheegtay in sababta ay burcaddu ugu dhici weysay inay xarumo ka sameysato xeebaha Somaliland, oo juquraafi ahaan u dhow dhabbooyinka caalamiga ah, inay tahay iyadoo uu maamulka Somaliland, iyo beelaha dega xeebuhu-ba, ay tallaabooyin xooggan ka qaadeen burcadda.

Sidaas darteed, warbixinta ayaa sheegtay in burcad-badeednimadu ay tahay ganacsi qoys. Dhanka Xaradheere, qoyska udub-dhexaadka u ah burcadda waxaa hoggaamiya Max’ed Xasan Cabdi “Afweyne,” waxayna warbixintu sheegtay inuu wiilkiisa C/qadir uu sanadkii tagay la wareegay inta badan howlaha burcadda bartamaha Somalia.

Burcad-badeedda & Puntland

Dhanka Puntland, warbixinta ayaa sheegtay in qoysaska burcad-badeednimada ay kala hoggaamiyaan Abshir C/llahi Boyah, oo kasoo jeeda degmada Eyl, Max’ed Cabdi Garaad, iyo Fu’aad Warsame Saciid, oo loo yaqaanno “Xannaano,” kana soo jeeda Bariga Sanaag.

Warbixinta ayaa sheegtay in madaxda sare ee Puntland, sida madaxweyne C/raxman Max’ud “Faroole,” Wasiirka arrimaha gudaha, Gen. C/llahi Axmed Jamac “Ilka-Jiir,” iyo wasiirka amniga, Gen. C/llahi Saciid Samatar, in masuuliyintani ay xiriir toos ah la leeyihiin burcad-badeedda, iyo waliba inay ka macaashaan dhaqaalaha ay burcaddu soo xareyso, sida ay warbixintu qortay.

Inkastoo ay Puntland kordhisay la dagaallanka burcadda iyo cambaareyntoodaba, sanadkii lasoo dhaafay, sida ay warbixintu qortay, haddana warbixintu waxay sheegtay in horjoogayaal burcad-badeed ay si xor ah u joogaan Puntland, mararka qaarkoodna ay badbaado heleen.

Warbixintu waxay tusaale usoo qaadatay in Gen. Ilkajiir, wasiirka arrimaha gudaha ee Puntland, inuu si shakhsi ah ugu ololeeyey sii deynta toddobo burcad-badeed ah oo daacad u ah Xannaano, ,kuwaas oo ay la baxsadeen shaqaale u dhashay Masar, oo lagu heystay deegaannada Puntland. Warbixinta ayaa sidoo kale sheegtay inuu General Ilka-Jiir, oo muddo dheer ku noolaa dalkan Mareykanka, inuu u ololeeyey in Xannaano loo magacaabo taliyaha ciidanka ilaalada badda ee deegaannada Sanaag, kaddib markii uu, sida warbixintu sheegtay, Fu’aad Xannaano siiyey Ilka-Jiir lacag dhan $200,000, xilligii uu jeneraalku u tartamayay madaxtinimada Puntland.

Si kastaba ha ahaatee, wasiirka warfaafinta ee Puntland, C/xakiim Axmed Guled, oo Jimcihii shir jaraa’id ku qabtay xarunta madaxtooyada Puntland ee Garoowe, ayaa si kulul u beeniyey eedeymaha loo soo jeediyey Puntland.

‘Ha lala xisaabtamo’

Sen. Russ Feingold, oo ah guddoomiyaha guddi-hoosaadka Africa ee Aqalka Senate-ka ee Mareykanka, ayaa war-saxaafadeed uu soo saaray, wuxuu sheegay inuu aad uga walaacsan tahay eedeymaha ku xusan warbixinta, iyo raashinka samafalka ah ee la xado. Wuxuuna ku baaqay in beesha caalamku ay kordhiso la xisaabtanka shakhsiyaadka iyo kooxaha ka dambeeya falalkaas.

Ma buunbuunin baa?

Si kastaba ha ahaatee, sheegid waxaa mudan in Guddiga Daba-galka xadgudubyada ka dhanka ah xayiraadda hubka ee Qaramada Midoobay, oo ah kooxda soo qortay warbixintan, inay leedahay soo jireen mararka qaarkood ay ku jirtay buunbuunin iyo ka badbadin, taas oo shaki ku abuureysa xaqiiqanimada eedeymo badan oo ay warbixintu qortay, sida uu leeyahay Prof. Afyare Cabdi Cilmi, oo ka warramaya warbixinnadii hore

Ugu dambeyntii, warbixinta ayaa ka dayrineysa guud ahaan xaaladda Somalia, inkastoo ay sheegeyso inay dhaanto sanadkii ka horreeyey. Laakiin waxay tilmaameysaa in kooxda Al-Shaaab ay sii xoojisay xiriirka ay leedahay kooxaha argagixisada caalamiga ah, sida Al-Qaacida, waxayna warbixintu sheegtay inay taasina, marka lagu biiriyo qodobbadii kale ee ay warbixintu kasoo hadashay, inay bohol qoto-dheer kasii tuuro yididiiladii laga qabay in xaaladda Somalia soo noolaato

Abdirahman Aynte

VOA Somali

Guddoomiyaha golaha fulinta ee Ururka Ahlu Sunn isku magacowday Maxamed Yusuf Xeefoow ayaa sheegay in uusan waxba ka ogeyn Saxiixina wax Heshiis ah oo dhexmaray Dowladda iyo kooxda Ahlu Sunna

Kadib markii maalintii maanta ay dalka Itoobiya Heshiis awood qaybsi ah ku gaareen Dowlada Awooda daran iyo Kooxda Ahlu Sunna ee lagu xanto inay u Adeegto Itoobiya ayaa waxaa qaarka mida Saxaafada Somalida lagu soo qoray in uu dhinaca Ahlu Sunna u saxiixay Heshiiska, Guddoomiyaha golaha fulinta Maxamed Yuusuf Xeefoow isagoo arrinkaasina si weyn u beeniyey Sheegayna in uusan wax shaqo ah ku laheyn Heshiiskaasi uusana saxiixin Aqoonsaneyna waxa halkaasi ka soo baxay

Yuusuf Xeefoow oo qaar ka mid ah saxaafada magaalada Guriceel la hadlayey kadib markii uu maqlay in qaarka mid ah saxaafada Somalida ee aan waxba hubsan lagu soo qoray in uu Heshiiska Itoobiya ka qeyb galay uuna isagu saxiixay dhinaca Ahlu Sunna waxa uu sheeciyey in uusan arinkaasi wax shaqo ah ku laheyn wax uu saxiixayna aysan jirin uuna si weyn uga soo horjeedo waxa Heshiiska loogu yeeray ee halkaasi ka dhacay.

Guddoomiyaha golaha fulinta Ahlu Sunna ayaa sheegay in lagu been abuurtay uusan shaqo ku laheyn waxa halkaasi ka dhacay ”Horay ayaana uga hadal nay oo markii kooxda Macalin Maxamuud Xasan ay noogu yimaadeen GuriCeel ayaan u sheegnay in aynaan wax shaqo ah ku laheyn arrinkaasi marka magaranayo sababta ku kaliftay qaarka mid ah saxaafada Somalidu in ay iga been abuuraan laakiin waxaan u sheegayaa in aan la xisaabtami doono kooxahaaasi beenta caadeystey” Ayuu yiri Maxamed Yusuf Xeefoow

”Anigu waxaan ahay Mas’uulka ugu sareeya Gudiga fulinta Ahlu Sunna, Waxana Idiin Cadeynaya in kuwa dowlada sheegta iyo kuwa kaleba ee ka soo horjeeda in Dagaal naga Dhaxeeyo, mana dhaceyso in aan qaarna la dagaalano qaarna la heshiiyo suuro galmaahan kooxaha Itoobiya joogaana ma metalaan Ahlu sunna” Ayuu si caro leh u yiri Xeefoow

Xeefow oo hadalkisi Sii wota ayaa yiri ”Gudiga Fulinta iyo Gudiga Shuuradu waxba kama oga waxa ka socda Itoobiya sidaasi awgeed waxey utaalaa kooxdii soo Saxiixday iyagaa laga rabaa in ay meel geeyaan oo meel mariyaan waxa ay soo saxiiseen”

Maxamed Yusuf Xeefoow ayaa isagu ka mid ah horjoogayaasha Maleyshiyaadka Khabuura galeenka ee sida weyn uga soo Horjeeda Qorshaha uu horboodayo Macalin Maxamud Sheikh Xasan oo isagu hurmuud u ah Shirka maanta lagu Saxiixay Dalka Itoobiya

Cali Yarre

Cyarre@hotmail.com

Dawlada Federaalka KMG ah ee Somaliy iyo Kooxda Ahlu Sunnah Wal Jameeca oo iyadu ka Talisa degaano ka mid ah Gobolada Dhexe ee Dalka Somaliya ayaa qalinka ku duugay Heshiis, Waxana Heshiiskan lagu kala saxiixay Xurunta EU-da Ee magaalada Addis Ababa Dhegeyso

Labada Dhinac oo iyagu Maalmahanba Shirar uga socdeen magaalada Addis Ababa ayaa ugu dambeyntii Heshiiska maanta Qalinka ku duugay, Waxana Heshiiska la sheegay in sii weyn logu cadaadiyey labada dhinac inay Saxiixan, Kooxda Ahlu Sunna waxa u saxiixay Heshiiskan Madaxa gudiga fulinta Maxamad Yusuf Xaafow, Dhinac Dowladna waxa u Saxiixay Shariif Xasan Sheekh Aaden Wasiirka Maaliyada, Iyada oo Sidoo kalena aay Munaasibada goob joog ka ahayeen Ra’iisal Wasaare Cumar Cabdirashiid Iyo weliba Maxamud Macalin Xasan oo ah Gudoomiyaha Guud ee Ahlu Sunna-da Gobolada Dhexe

Kadib Markii Heshiiska la saxiixay Ayaa Wasiirka Maaliyadda Shariif Xasan Sheekh Aaden oo dowladda u saxiixay heshiiskaasi u Idaacada VOA-da Laanta Afka Somaliga u Sheegay in heshiikaasi yahay mid Somaliya dhibaatada ka saari doono Sidaa u hadalka u dhigay, isla markaana ay si wadajir ah iyaga iyo Ahlu Sunna uga soo wada horjeesan doonaan Alshabaab

Shariif Xasan wuxuu sheegay in lagu heshiisyay in awood la qeybsado oo Ahlu Sunna xubno ka tirsan aay Golaha Wasiirada wax ka heli doonan

Wasiirka Maaliyadu wuxuu beeniyay inay jiraan kooxo kale oo ka tirsan Ahlu Sunna oo diidan heshiiskan, Sidoo kale Wasiirka Maaliyadu waxa u sheegay in Dowlad Ethiopia ay Heshiiskan qeyb libaax leh ka qadatay

Afhayeenka Ahlu Sunna ee Qaarada Yurub Maxamed Xuseen Awliyo ayaa isaguna dhankiisa waxa u Sheegay in heshiiskan u yahay mid lagu mideyn cududa iyo awooda dowlada iyo Ahlu Suna, isla markana aay noqdan doonan iyaga iyo Dowladu Hal Awood oo iska difaaca Cadowga sidaa u sheegay

Awliyo ayaa sidoo kale sheegay in Heshiiska la filayey inu dhaco Jimacdii la soo dhaafay balse uu baaqday, Sidoo kale waxa u qiray in Isaga laftigiisa lagu Xiray Hotel Hilton oo aay degan yahiin, Waxan u ku sheegay Sababaha loo xiray Khilaaf soo kala dhex galay dhinacooda in kasta oo aay markii dambe ku guuleysteen Xaalintiisa

Waraysi Wasiirka Maaliyada Iyo Afhayeenka Ahlu Sunna Ee Qarada Yurub 

In kasta Oo Ahlu Sunna sheegtay in Khilaaf uusan hada ku dhex jirin iyaga hadana waxa jira warar sheegaya in Xubno badan oo ka tirsan Ahlu Sunna Heshiiskan diidan yahiin

Heshiiskan ayaa aha mid aay dabada ka riixeyso Dowlada Ethiopia oo garab ka heleysa Eu-da

Heshiiska Ahlu Sunna Iyo Dowlada ku dhexmaray Addis Ababa ayaa haddaba dad badan Suugi doonan bal sidaa u dhaqan galo iyo waxa u ku soo kordhiyo Xaalada Murugsan ee Dalka Somaliya ….

Halkaan Hoose ka dhegeyso Khudbad Xasaasi ah oo u Ciidamada Mujaahidiinta Alshabaab U Jeediyey Sheekh Mukhtaar Cabdiraxmaan Abu Subeyr, Khudbada ayaa aheyd mid u intaa badan kula hadlayo Ciidanka Waxana Intaaa Uusan Khudbada Bilaabin Amiirku Aay Ciidanku Ku Soo Dhoweeyn Heeso Iyo weliba Sacab aad u fara badan oo u la dhoola cadeeyey Abu Subeyr, Waxana Ciidanka Xaflada ka Mamnuuc aha Sawirada Dhegeyso

Riix Halkaan

Waxa Maanta Barqanimadii ka soo degtay garoonka Aaden Cadde International Aiport Madaxweynaha Dowlada Federaalka KMG ee Somaliya Sheekh Shariif Sheekh Axmed iyo Wafdi balaaran oo u Hoggaaminayo, Madaxweynaha ayaa waxa halkaasi waxa ku soo dhoweeyey Dadweyne aad u fara badan iyo weliba Mas’uuliyiin ka tirsan Xukuumadda waxana loo gelbiyey dhanka Madaxtooyada Villa Somaliya

Sheekh Shariif ayaa magaalad Muqdisho ka duulay 7 Bishan March isaga oo xiliga u Amababxay magaalada London ee caariga Ingiriiska halkaasi oo u Caasumad ka helay Xukuumadda Ingiriiska, waxana u kulamo la qatay Madaxda wadanka Ingiriiska oo u ugu horreyo ra’iisal Wasaare Gorden Brown Sidoo kale waxa u la kulmay Jaaliyadaha London Iyo Birmingham Ee Somalida kuwasi oo sii diiran u soo dhoweeyey Madaxweynaha

Ku soo noqodkiisa magaalada Muqdisho ayaa imanaya xili magaalada aay ka jirto Barkacay iyo weliba dagaalo aay barbar socdaan Duqeymo oo maalmahii dambe ka dhacayey halkaasi

Madaxweynaha ayaa la filaya inu ka warbixiyo Booqashadiisi london Iyo weliba Waxyabahii uga soo qabsoomay Dowladiisa isaga oo la rajeyn inu arrimaha ku faahfaahiyo  kulan aay yeelan doonan Xildhibaanada Dowlada Federaalka KMG Maalmaha soo socda

Imaam Maxamud Imaam Cumar ayaa nasiib darro ku tilmaamay dagaalada iyo dhiiga Shacabka Somaliyeed ee Micno darida lagu da’dinayo waxana u sheegay inu isagu u dhigi doono labada dhinac ee is haya googol Nabadeed, balse aay marka hore joojiyan dagaalada oo aay miiska wada hadalka soo fariistan

Hadalka Imaam Maxamud Imaam Cumar Baaqisa ayaa ku soo beegmaya iyada oo Maalintii Afraad dagaalo ka socdaan Qeybo ka mid ah Xaafadaha Waqooyi ee magaalada Muqdisho, Waxana dagaaladan yahiin kuwa u aay isaga soo horjeedan Ciidanka Dowlada oo garab ka helaya kuwa Amisom iyo weliba Xarakada Alshabaab

Madaxweynaha Jamhuuriyada Md. Sheekh Shariif Sheekh Axmed ayaa soo gaaray magaalada Addis Ababa kadib markii u ka soo kicitamay Dalka Ingiriiska oo u Kulamo kula laha Mas’uuliyiin ka tirsan Dowlada Ingiriiska, Madaxweynaha ayaa sii weyn logu soo dhoweeyey garoonka Bole International Airport, Madaxweynaha ayaa Addis Ababa u yimid sii u goob joog uga noqdo Heshiis la filayo inay kala saxiixdan Dowlada Federaalka Iyo Maleeshiyada Ahlu Sunna Ee ka dagaalanta Konfuurta Somaliya

Magaalada Addis Ababa ayaa hore waxa u sii joogay Ra’iisal Wasaare Cumar Cabdirashiid Iyo weliba Xubno kale oo ka tirsan Ururka Ahlu Sunna, Waxana la filaya inay dhowaan halkaa lagu kala saxiixdo Heshiis rasmi ah oo Awood dowlada aay kaga qeyb geli doonto Ahlu Sunna

Midowga Africa oo isagu dhex dhexaadinta labada dhinac door weyn ku leh ayaa heshiiska dib ugu dhigay Maanta Maalinimada Isniinta ee 15 Bishan March, Waxana la filaya in Heshiiska Ahlu Sunna Iyo Dowlada u Awood badan ku daro cududa Mulatari ee Dowlada oo xiligan aad u liidato

Mid ka mid ah saraakiisha Alshabaab oo lagu magacabo Abuu Ruqiya oo la hadlay dadka ayaa waxa sheegay in uu ku waajibay Jihaad dadkaasi , waxaana ugu baaqay Dhalinyarada iyo Wiilasha 10jir ilaa 11 jirka ah ay Jihaadka ka qeybqaataan ama ruux walbaa ee dagaal geli kara uu ka qeb galo

Sidoo kale Sarakaalka oo hadalka ku dheeraaday ayaa sheegay in Aradayda Dugsiyada magaalada Marka amar la’aan ay dagaalka ka qeyb qaadan karaan, Waxa uuna sheegay in dagaalka uu yahay mid Waajib ah isla markaana aanan loo baahneeyn in ”Waalid Amarkiisa looga baaqsado”

Hadalka Sarkaalka ayaa waxa uu umuuqday mid dadka ku qasbaya ka qeyb qaadashada dagaalada Magaalada Muqdisho, waxaana laga dareemayey caga jugleeyn dadk ka soo horjeeda dagaalada ay wadaan, waxa uuna sheegay in ruuxii anan raali ka ahayn ka qeyb gelida dagaalada uu isaga baxayo magaalada Marka

Hadalka Alshabaab ka soo baxay Ayaa sii caro leh waxa uga jawaabay Odayaasha Iyo Salaadiinta ka soo jeeda gobolka Shabeelaha Hoose Qaastan Odayaaasha magaalada Marka oo la Yiraahdo 12-ka Koofi oo aay Beesha Biiyamaal ku jirto, Waxayna sheegen in go’aanka Alshabaab ka soo baxay uusan aheyn mid suurta gal ah ayna si weyn uga soo horjeedan

Ma ahan markii ugu horeyay Ee Alshabaab Caruurta Iskuulada ku khasban Waxay ugu yeeran Jihaadka ee ka socda Gobolo badan oo ka mid ah Konfuurta Somaliya

Kumayaalka qof ee ka barakacay dagaalada ka socda magaalada Muqdisho ee u Qaxay Duleedka magaalada ayaa sii weyn uga cabanaya Xaalad Caafimaad darro iyo Cuduro aan la aqoon oo soo wajahay, Dadkaasi oo la hadlay Idaacadaha Maxaaliga ah ee magaalada Muqdisho ayaa sheegay inay ku heysato goobahii aay u barakaceen Daryeel la’aan, Caafimaad darro iyo weliba Cuduro aan la aqoon waxa aay yahiin

Dadkaasi ku sugan duleedka magaalada Muqdisho ayaa beryahan dambeba waxa heysatay Xaalad Caafimaad darro taasi oo aay u dheer tahay Cuno yari madama u istaagay gargaarkii aay ka heli jireen Hay’adaha Calaamiga ah

Cabashooyinka dadkan ayaa ku soo beegmaya iyada oo aay hore dadkaasi uga cabanayeen Cuduro aay ka mid yahiin Shuban Biyoodka, oo isagu caruur badan oo u soo ritay lagu Daaweynayo Cisbitaalada Magaalada Muqdisho iyo weliba goobaha MCH-yada ah ee ku yaala Degaanada loo barakacay

SU’AASHA 2aad:: Sh. Shariif, goormaa kuugu dambeysey magacan aad wadato ee Shiikha, aawayse aayadihii iyo axaadiistii aad soo qaadan jirtey berigii aad C-laahi Yusuf mucaaradka ku ahayd, waadigan isagii uun dhinac walba ka beddelaye sida jagadiisii, aayad iyo xadiis la’aantiisii, dulmigiyo caddaalad darradii iyo arxan darradiisiiye ma khiyaano xun ayaad wadatay?

SU’AASHA 3aad: Sh. Shariif, Maalin walba diyaarad un baad saarantahay, waxa aadna afka ku haysaa oo aad reer galbeedka wax uga raadsataa Argagixiso iyo alqaaciddaa joogta dalka, goormaa kuugu dambeysey mar aad bariso ilaahii ku abuurtay?

SU’AASHA 4aad: Sh. Shariif, iyada oo maatidii soomaaliyeed iyo ehelkii aad ka soo jeeddeyba la gumaadayo ayaad marka aad khudbaynayso iska qososhaa oo aad isaga faraxsantahaye sidee wax yihiin, waadigii berigii aad mucaaradka ahayd aan qosli jirin oo careysnan jiraye ma qaabkaan ayaad raadinaysey oo ummadda la xasuuqayo iyo doollarkan ayaad ku faraxsantahay?

SU’AASHA 5aad: Sh. Shariif, Waxa aad ogtahay in Seyd-cumar RC yiri haddii Weyl lo’aad habartii lahayd uga cararto ciraaq ee inta ay ereyeyso geed marada ka dillaaciyo, inuu ilaahay igu ciqaabo maxaad dariiqa ugu sallixi waysey ayaan ka cabsanayaa, haddaba Sh. Shariif wax alla waxa soomaali ka baaba’aya, kuwa xabbaddu dilayso, kuwa badaha ku daadanaya, kuwa cudurradu laynayaan, kuwa masasku ku cunayaan daafaha xamar iyo kuwa xeryaha qaxooti ku jira sow ma ogid in ilaahay kugula xisaabtami doono mise waxaas oo dhan waxba kaa qaadi maayaan oo karti baad u leedahay naarta ilaahay?

SU’AASHA 6aad: Ciidankaaga ayaa ummaddii eber ka dhigay oo dhac iyo boob ku hayee ma habaarantahay xaggaa luguu wataa, maad hoos isu fiirisid meesha aad marayso?

SU’AASHA 7aad: Ugu dambayn, Taangi Amisom ayaad megensatee xaggaad ku ogtahay ummaddaas aad adigu tiri anaa u madaxweyne ah oo ka mas’uul ah, kumana arki karno adiga oo taangigaas ayaa naga kaa xigee xaggaan kaaga dacwoonnaa?

SU’AALAHA AAN WEYDIINAYO AL-SHABAAB

SU’AASHA 1aad: Shabaab su’a’asheyda ugu horraysa ee aan ku weydiinayo, maxaad guryaha maatidu ku nooshahay hoobiyaha ula hor tagtaa, jawaabta soo dhacaysana ugaga carartaan ma dadkaad cadaawad fog u qabtiin mise waad miyir la’dihiin?

SU’AASHA 2aad: Maxaad ramadaankii hoobiyaha aad ku ridaysaan AMISOM iyo Dowaladda shariif ula fiirsan jirteen suxuurta iyo afurka ma dadka soomi raba ayaad rabteen inaysan suxuuran oo aysan soomin, markaad afurka la eeganayseenna ma waxaad rabteen intii mitidday ee suxuur la’aan iska soontay in aysan afurin si aysan soon dambeba u soomin, ma diintaad caaawad fog u qabtiin?

SU’AASHA 3aad: Maxaad ilmo 15 jir ah ugu salladdeen inuu argagixiyo 100 jir indho, sow markaa argagixisada la idinku sheego ma ihidin, diintee iyo caqligeese qaba dhaqankaas oo kale, sow rasuulku SCW ma dhihin ummadda islaamka kama mid aha ruuxii aan ruuxa ka weyn ixtiraamin, iska daa waayeel indha la’e xataa 5 jir indho la’ hadduu edeb-darro sameeyo ayaan la dili karine, idinku maxaad tihiin miyaadnaan bini’ aadan dareen leh ahayn?

SU’AASHA 4aad: Waxa aad la socotiin in rasuulku CSW, 9 qof awgood u joojiyey jihaadkii gaalada loo aadi lahaa, idinkuna waxaad jihaad sheeganaysaan malaayiin muslimiin ah oo aad madaafiic ku garaacaysaan mid aad riddiin iyo mid aad sababtiinba, markaa sow run noqon mayso culummada idinku sheega Khawaarij, illeen caaamadaha khawaarijtu sidaas bay ahaayeene maad is koontaroosaan?

SU’AASHA 5aad: Weligiin hoos ma isu fiiriseen in wax idinka qaldanyihiin iyo in kale, ilaahayse in dhulka gaalo iyo islaam u joogaan oo uu ku abuurtay wuu ogaaye ma idinkuu idiin soo diray oo idin yiri dhulka ka dhammeeya islaamka iyo gaalada, haddaad diin u dirirayseense sow ma ogidin waxan aad waddeen dartood in dadkii qaxay intaad dagaallada waddeen in badani gaaloobeen, dumar badanna la kufsaday oo la dullaystay, allaa weyne ma dullaynta ummaddaa la idiin soo diray?

SU’AASHA 6aad: Sow ma cadda in aad cadow soomaaliyeed wakiil u tihiin oo aad dalka iyo dadkaba gacan gelinaysaan mar dhaw?

SU’AASHA 7aad: Ugu dambayn ehel iyo qaraabo dhammaysee xaggee la idinkaga dacwoodaa ama la idinkala xiriiraa, dhakhtar caafimaadse ma leedihiin?

Cali Jeyte

Maamulka Degmada Ee Xarakada Alshabaab Hoostaga ayaa sheegay inu dadkan soo dhoweeyn doono isla markana u dib u deejin ku sameyn doono, In kasta oo aysan weli arrinkaasi muuqan

Dhanka kale Boqolaal kale oo dad ah ayaa iyaguna gaaray degmada Afgooye ee Gobolka Shabeelaha Hoose, Iyo weliba degaanada hore aay iyagana u joogeen dadka soo barakacay ee Ceelasha Biyaha Iyo Lafoole, Dadkan ayaa ah kuwa ka soo cararay dagaalada dib uga soo Cusboonaday magaalada Muqdisho

Shacbiga ku dhaqan magaalada Muqdisho oo iyagu aha 20 Sano ee ugu dambeysay kuwa mar kasta u jooga Qax iyo Rafaadka Ayaa hadana waxa la dhahi kara Xiligan waxay u tahay Waqtigii ugu darna, Waxana weli sii jira Cabsi laga qabo in dagaaladu aay sii socdan iyaga oo ku fida degaano kale oo nabad ah Xiligan

Madaxweynaha oo waraysi gaar ah siiyay Laanta Af Soomaaliga ee VOA ayaa faahfaahin ka bixiyay waxyaabaha deeqda ay ku dhawaaqday dawladda Britain isaga oo tilmaamay qayb ka mid ah deeqdaasi ay DKMG ay ku bixin doonto nabadaynta

Madaxweynaha DKMG ayaa shaaca ka qaaday in dawladdu fulinayso hawlgal milatari oo uu ku tilmaamay in uu yahay hawlgal nabadeed, isaga oo tilmaamay in ciidanka dawladdu ku filanyihiin nabadaynta caasimadda

Sheekh Shariif ayaa tilmaamay in AMISOM ay ku ekaan doonaan shaqdooda rasmiga ah ee nabad ilaalinta.

Muddooyinkii dambe waxaa isa soo tarayay warar sheegaya in laga yaabo in ciidanka maraykanku gacansiin doonaan ciidanka dawladda hase ahaate Madaxweyne Sheekh Shariif ayaa arrintaasi meesha ka saaray isaga oo tilmaamay inanay jirin weli wax xaqiiqa ah oo uu arrintaasi ka sheegi karo.

Mar wax laga weydiiyay Lamaanaha u dhashay Britain ee afduubka loogu haysto Somalia ayaa waxa uu tilmaamay in ay arrintaasi ka wada hadleen Ra’iisal wasaaraha Britain, waxaana uu Madaxweyne Shariif tilmaamay in uu arrintaasi aad uga xunyahay isaga oo ugu baaqay kooxaha gacanta ku haya in ay sii daayaan

Gaarad Cabdisalaan Xasan Maxamed oo ka tirsan Issimada Beesha Dhulbahante ayaa shaaca ka qaday inu kalsoonidii kala noqday Shirka Ka socda Tuulada Burowadal oo aay ku shirayeen labadii bilood ee ugu dambeysay Odayaasha iyo waxgaradka beesha Dhulabahante Daarood

Gaarad Cabdisalaan Xasan ayaa sidaan ku sheegay Waraysi u siiyey Idaacada BBC laanta Afka Somaliga, Waxana u ku Eedeyey kooxo uusan sheegin inay yahiin kuwa shirkii ka leexiyey dhabahii aay ugu tala galeen, waxana u sheegay in la baar maray Xeer Hoosadyo uusan sheegin oo aay dhigteen hadii aay yahiin Odayaalka Dhulabahante

Gaarad Cabdisalaan ayaa sii gaar ah u duray kuwa u sheegay inay u kala shaqeyn Maamulada Somaliland Iyo Puntland Sidaa u hadalka u dhigay, kuwasi oo u sheegay inaan hore logu talo gelin meesha wax la xiriira ama is xeejin Maamul ee aay aheyd in kaliya loga wada hadlo arrimaha beesha iyo degaankooda, balse laga weecday

Dhanka kale Gaarad Cabdisalaan ayaa sii gaar ah u dhaliilay Somaliland Iyo Puntland isaga oo sheegay inay Xagal daacin ku wodan Shirka Beesha uga socda Degaankaasi Burowadal lagu magacaabo

Mar la weydiiyey Gaarad Cabdisalaan in Fikirkani yahay mid isaga u gaar ah, iyo inay Dad kale la qaban, Ayuu sheegay in aay dad badan la qaban uuna ka mid yahay Gaarad Cabdullaahi Gaarad Soofe, Sidoo kalena waxa u sheegay in dad kale ka soo bixi doonan Shirka hadii u Sidaan ku sii socdo

Ugu Dambeyntii Gaarad Cabdisalaan Waxa u soo jeediyey in Shirka lagu soo celiyo Dhabahiisi hore, Waxana u sheegay in hadii u Shirkii sidii hore lagus oo celiyo aay Suurta gal tahay inay dib ugu soo noqdan, balse hadii u sidaan ku socdo waxa u sheegay inaysan dib ugu soo laaban doonin Kalsoonidana kala noqdeen

Gaarad Cabdisalaan Xasan Maxamed waxa u xiligan ku sugan yahay Dalka Suuriya, Waxana u ka mid aha Issimadii kaalinta kowaad kaga jiray Shirka ka socda Burowadal waxana la dhahi kara ka bixitaankiisu waxay meel sare kaliya sii saari doonta Kala qeyb Sanantii Beesha Dhulabahante iyo kala Aragti duwanaantii Beesha oo kaliya

Daa’uud Maxamed ayaa sheegay inay ka xun yahiin dagaalada iyo xasuuqa Shacabka Muqdisho lagu wodo isaga oo sheegay in Ummada Somaliyeed maanta u jeedo dhibaatada halka aay ka socoto iyo dadka xasuuqa ku haya

Hadalka ka soo baxay Golaha Xaalinta khilaafka odayaasha Gedo ayaa ku soo beegmaya iyada oo maalintii Labaad u galay dagaalka ka socda magaalada Muqdisho ee dowladu ku dooneyso inay ku qabsato goobo cusub, halka Shabaabkuna ku jiro iska caabin xoog leh

Maqal Codkii Khudbada, Muqaal, Iyo Weliba Sawiro Daawo

Kullanka oo ka dhacay Bariga Magaalada London ayaa Madaxweynaha khudbad dheer oo uu halkaasi ka jeediyaya waxa uu ka waramay xaaladda dalku uu ku sugan yahay maanta xagga ammaanka iyo noloshaba, isagoo ka codsaday Somalida UK inay gacan ka geysato sidii Soomaaliya ay mar kale lugaheeda isugu taagi lahayd

Khudbada Madaxweynaha Somaliya Oo Maqal Ah

Khudbada Madaxweynaha Somaliya Oo Muqaal Ah

Daawo Sawirada Kulankii Madaxweynaha Iyo Jaaliyada

Madaxweyne Sheekh Shariif waxa uu ka hadlay dadaalka ay dowladdiisu ugu jirto sidii ay maamulkeeda ugu fidin lahayd dalka iyo caqabadaha horyaalla

Madaxweyne Sheekh Shariif Sheekh Axmed waxa uu sidoo kale ka hadlay safarkiisa dalkan Britain iyo kulankii uu la yeeshay Ra’iisul Wasaaraha Britain Gordon Brown, isagoo sheegay in dowladda Britain ay ogolaatay in dib loo furso safaaraddii magaaladatan Somaliya ay ku lahaan jirtay London

Madaxweynaha iyo Wafdiga Balaaran ee u Hoggaaminayo Ayaa lagu wada inay Caawa la kulmaan jaaliyadda Somalida ee magaalada Birmingham

BBC Somali & Universal Tv

Indhacadde Waxa u sheegay inay Khasaaro badan gaarsiyeen kooxahii ka soo horjeeday oo u sheegay inay yahiin kuwa cadow ku ah Dhiiga Iyo Cirqiga Ummada Somaliyeed, waxana u sheegay inay goobo badan ka saareen

Cali Dheere ayaa isaguna Warbaahinada Muqdisho ugu sheegay Shir jaraa’id oo u ku qabtay Khadka Telfoonka, in Ciidanka Dowlada Iyo kuwa Amisom aay ku dhufteen dharbaxo lama ilaaban ah, Isaga oo sheegay inay Taangi aay ka guubeen Ciidanka Amisom, Waxana u sheegay in Amisom la baxsadeen Taangiga isaga oo ololaya

Nabadoon Axmed Diiriye Cali Ayaa Ugu Horreyn waxa u sheegay inay ka xun yahiin dagaalada iyo Duqeymaha ka socda magaalada Muqdisho isaga oo ugu baaqay dhinacyada dagaalamaya inay joojiyan dagaalada isla markana aay u tuuran Shacabkooda Sidaa u hadalka u dhigay

Axmed Diiriye waxaa uu Sidoo kale ka hadlay Dagaalo Beeleedyo ka socda Gobolkaa Mudug kuwas oo in muddo ahba halka ka jiray wxana u ugu baaqay Maleeshiyada Beelaha iyo Weliba dadweynaha halkaasi degan inay nabada ka shaqeyan, Xabadana la joojiyo laguna dhameeyo wixii jira Wada hadal iyo Isfaham

Gabadha Garsooraha ka aheyd Maxkamada raggaasi Xabsiga Dheer ku Xakuntay oo lagu magacaabo Lilian Mutende ayaa sheegtay in Xukunkaasi aay riday u yahay midka kaliya ee Xal u noqon kara Falalka Burcad badeednimada ah ee ka socda Xeebaha Somaliya

8 Dhalinyarada Somalida ah ee lagu Xakumay 20 Sano Ee Xariga ah ayaa Qareenka u Doodayey oo Somaliga ah waxa u sheegay inu Racfaan ka qadan doonan Xukunkaasi

Dowlada Kenya ayaa Xabsiyadeed ku haya in ka badan 100 Qof oo loga Shaakisan yahay Hawlaha Burcadnimada ah

Dagaalada ayaa Maanta la sheegay inay ka qeyb qateen Taangiyada Amisom, Waxana dagaalku u yahay mid ilaa hada socda oo aan istaagin, waxana mar kasta sii badanaya Khasaaraha dadka Shacabka ah gaaraya

Dagaalada Muqdisho oo ah kuwa intaa badan soo noqnoqda oo aan Xal loo helin ayaa dhibaatada ugu badan ka soo gaarta dadka Rayidka ah ee ku dhaqan magaalada

Dhanka kale waxa jira Barakaca Xoog leh oo ka socda magaalada kuwas oo dadweynahu uga cabsi qaban dagaalo kale oo soo noqda iyo weliba inay rumowdo Hadalkii Mareykanka ee aha Inu Dhanka Cirka ka caawin doono Ciidanka Dowlada Federaalka KMG ee Somaliya iyo Kuwa Amisom ee dagaalka Aadag kula jira Xizbul islaam Iyo Alshababa

Qiyaas ah laba meelood marka loo qeybiyo meel ahaan, raashinka gargaarka ah ee loo diro Soomaaliya, ayaa laga leexiyaa dadka u baahan oo loo duwaa shabakad isku xiran oo ah qandaraas wadayaal musuqmaasuq ah, kooxo mintid ah oo Islaamiyiin ah iyo shaqaalaha dalka gudihiisa uga shaqeeya Qaramada Midoobay Sida lagu sheegay Warbixin loo gudbiyay Golaha Ammaanka ee Qaramada Midoobay

Warbixinta Oo Maqal Ah

Warbixintaasi oo aan weli shaaca laga qaadin, hase yeesheeb diblomaasiyiin ay tuseen wargeysa la yiraahdo New York Times, waxay si guud u tilmaameysaa dhibaatooyin aad u culus oo arrintaasi ku lug leh, waxaana ay kula talineysaa Xoghaya Guud ee QM inuu bilaabo baaritaan madax bannaan oo lagu eego hawlaha barnaamijka cunada ugu qaabilsan Qaramada Midoobay ee WFP ee Soomaaliya.

Warbixintu waxay ku talineysaa in barnaamijkaasi raashin qeybinta ah qaabkiisa dib loo sameeyo, barnaamijkaasi oo u adeega ugu yaraan dad tiradoodu gaareyso 2.5 milyan, gargaarkaasi oo sanadkii 2009 dhamaa 485 milyan.

Bilowgana waxay tahay in la burburiyo waxa ay warbixintu ku bilwoday koox isku xiran oo musuqmaasuq ah oo ah kuwa gargaarka qeybiya ee Soomaalida ah.

Warbixintu, raashinka la leexsaday ka sokoow, waxay sheegtay in maamul goboleedyada Soomaalidu ay gacan siinayaan burcad badeedda maraakiibta xeebaha ka qafaasha, warbixinu waxa kale oo ay sheegeysaa in wasiirada xukuummadda Soomaalidu ay gataan visayaasha diblomaasiyiinta la siiyo ee lagu tago Yurub, siiyaan cidda lacagta ugu badan bixisa oo qaarkood laga yaabo inay burcad badeedda yihiin ama kuwa kacdoonka.

	Raashinka WFP waxaa ku tiirsan Laba milyan iyo bar Soomaali ah

Saraakiisha Soomaalidu eedeeyntaasi ku saabsan dhibaatada xagga visaha waa ay diideen, waxaana ay ku tilmaameen inay tahay mid aan badneyn, saraakiisha ka tirsan barnaamijka cunnada adduunka ee WFP waxay iyaguna ay sheegeen inaanay weli warbixintaasi arag, hase yeeshaa ay baaritaan ku sameyn doonaan nuxurka warbixintaasi marka loo gudbiyo golaha ammaanka ee Qaramada Midoobay Talaadada Soo socota.

Warbixintu waxa soo baxday iyadoo dowladda KMG ah ee Soomaaliya ay u diyaargaroobeyso weerar militeri oo xoog leh, oo ay dooneyso inay dib ugu qabsato gabi ahaan magaalada Muqdisho, lana dagaallanto kooxaha islaamiyiinta ah ee ku kacsan oo xiriir la leh ururka al-Qaacida.

Dowladda Mareykanka ayaa gargaar militeri siisa, iyadoo QM ay isku dayeyso inay ka saarto labaatan sano oo waddanka Soomaaliya qas uu ku jiray, laakiin waxaa laga yaabaa inay hawl adag noqoto.

Sida warbixintu ay sheegeyso ciidamada nabad sugida ee Soomaaliya waxay yihiin kuwo aan tabar lahayn, oo aan habeysneyn, musuqmaasuqna ah. Kana kooban maliishiyo kala madaxbannaan oo daacad u kala ah saraakiil sare oo xukuummadda ka tirsan, iyo saraakiil militeri ah oo ka macaashaya dagaalka.

Sarkaal ka tirsan dhinaca Mareykanka ayaa dhawaan qiray in rajada ugu wanaagsan ee Soomaaliya ay leedahay ay tahay, madaxa cusub ee xagga militeriga oo da’diisu ay tahay lixdan jir horeyna u ahaan jiray sarkaal militeri ah, oo muddo dhawr bilood laga joogo maareeye ku xigeen ka ahaa goobaha laga cunteeyo ee Macdonnalds la yiraahdo, oo ku yaalla Jarmalka.

Dadka warbixintaasi diyaariyay oo qeyb ka ah kooxda ka warheysa arrimaha Soomaaliya waxaa markii hore laga codsaday inay baaritaan ku sameeyaan wixii xad gudub ah ee lagu sameynayo xayiraaddii xagga hubka laga saaray Soomaaliya, hase yeeshee markii danbe xilkeeda ayaa la ballaariyay.

Dhawr ka mid ah kuwa warbixintaasi diyaariyay ayaa loo soo jeediyay hanjabaaddo ah in la dili doono, Qm-na waxay dhawaan ka kaxeysay xubnahaasi Kenya oo ay u rartay magaalada New York bedbaadadooda awgeed.

Xannibaado ku yimid xagga gargaarka Soomaaliya ayaa ahayd arrimo laga hadlayay sanadkii laga soo gudbay, waxaana taasi ay sababtay dib u dhac ku yimaada gargaarkii ay rarayeen xukuumadda Mareykanka iyo hakin lagu sameeyay barnaamijka cunada ee deegaanada qaarkood, oo ay ku sameeyeen saraakiil ka tirsan QM.

Warbixintaasi waxay gooni ula baxday barnaamijka cunada adduunka ee WFP oo ah heyada gargaarka ugu badan geysa Soomaaliya oo dhibaatada ka jirta ay burburisay in hey’adaasi gaar ahaan, hawlaheedu dulduleelooyin leeyihiin.

Qaar ka mid ah gargaarka bini’aadanimo oo ay ugu weyn tahay gargaarka raashinka ayaa loo duway isticmaal dhinaca militeriga ah sida ay warbixintu sheegtay.

	Caruur saf ugu jirta cunno samafal ah

Koox yar oo qandaraas wadayaal Soomaali ah, oo qandaraas ka qaata hey’adaha gargaarka ayaa noqday qaar awood leh, oo qaarkood macaashka ay kan helaan qaar ka mid ah u gudbiya amaba gargaarka laf ahaantiisa, si toos ah kooxaha mucaaradka ee hubeysan.

Eedeymahaasi ku lug leh gargaarka raashinka ee la leexiyay waxaa markii ugu horeysay warkoodu soo baxay sanadkii hore. Barnaamijka cunada adduunka ee WFP waxa uu ku adkeystay in aanay helin wax cadeynaya arrintaasi.

Waxaa kale oo ay sheegeen in baaritaan gudaha oo dhawaan ay sameeyeen aanay ka muuqan ku tagri fal aad u xun oo gargaarkaasi a.

Agaasime ku xigeenka hey’adaasi WFP Amiir Abdalla waxa uu sheegay talaadadii “weli in aanay arag warbixinta kooxda la socoshada Soomaaliya ay diyaarisay , hase yeeshee ay baaritaan ku sameyn doonaan dhamaan eedeymahaasi oo dhan sidii aan horeyba u sameyn jirnay ayuu yiri, marka su’aalo ka yimaadaan hawlahayaga.

Warbixinta iminka ay soo saareen baarayaasha arrintani waxay su’aal ka keeneen madax bannaanida baaritaanka hore, waxaana ay ku baaqeen, in la sameeyo baaritaan cusub oo dibedda kaga yimaada hey’adda WFP.

Madaxweynaha Gabon Cali Bongo oo waddankiisu madaxtinimada bishan ee golaha ammaanku hayo waxa uu yiri ” Waa inaan u sheegnaa dadkaasi in aanay sidan ku socon doonin, waanu ognahay waxa way sameynayaan, dibna nooma khiyaameeyn kartaan, markaa waxaa haboon inaad joojisaan”.

Warbixintu waxa kale oo saraakiisha Soomaalida ay ku eedeeysay inay iibsadaan safarada lagu tago Yurub. Qaar fara badan oo ka mid ah dadka la sheego inay ka tirsan yihiin saraakiisha xukuumadda ee wafdiga ka mid ahi, in run ahaantii ay yihiin ama burcad badeed ama xubno ka tirsan kooxaha mintidka ah.

Warbixintu waxay sheegtay in saraakiisha Soomaalidu xiriirka ay la leeyihiin dowladda Shisheeyaha ay u isticmaalaan inay visoyaal iyo waraaqaha lagu socdaalo u helaan dad aanay u suurowdeen inay dibedda u dhoofaan, dadkaasina marka danbe ay ku dhuuntaan.

Wasiirada dowladda, xubnaha baarlamaanka, diblomaasiyiin, dalaalliin madax bannaan ayaa u bedelay helitaanka fiisooyinka dibedda ganacsi sii koraya, kaasi oo ah waxa keliya ee u dhaw burcad badeednimada, iyagoo fiisooyinka ku iibiya 10 kun oo dollar ilaa 15 kun oo dollar, sida warbixintu sheegtay.

Warbixintu waxay ku qiyaastay , tobanaan hadii aanay ahaynba boqolaal Soomaali ah inay ku galeen qaabkaasi Yurub ee meelo ka fog, iyagoo ku helay ganacsiga fiisaha ee qarsoodiga ah.

Maxamed Cismaan Aaden oo ah diblomaasi Soomaali ah oo jooga Kenya waxa uu sheegay inay jiraan mid ama laba kiis oo arrintaasi ah oo dhacay sanadihii la soo dhaafay, laakiin in waxani ay yihiin warar la isla dhexmarayo oo aan la hubin, ayna yihiin eedeeymahan kuwo sanado badan soo socday.

Warbixintu waxay soo qaadatay qaar ka mid ah dadka u taajitrsan Soomaaliya, ganacsatada saameynta ugu weyn leh, kuwa loogu yeero ragga lacagta, mid ka mid ah oo la yiraahdo Cabdulqaadir M. Nuur oo loo yaqaan Eenoow waxa uu qabaa haweeneey door weyn ku leh hey’ad samafal oo deegaanka ah, taasi oo ay tahay inay hubsio in cuntada la qeybiyay iyo in kale, waana meelaha dulduleelada ka iman karaan, sida ay warbixintu sheegtay.

Warbixintu waxay ku eedeeysay Mr Nuur in baabuurtiisa uu ka dhigo in la afduubay, kadibna la iibiyo cuntada.

Email uu u diray Mr Nuur baarayaasha waraaqo badan oo si u muujinaya in xanta iyo wararka la isla dhexmarayo ay yihiin kuwo aan xaqiiqo ahayn, oo ay ku jirto afduubida baabuurta iyo xiriirka kooxaha kacdoonka wada. Waxa uu sheegay in xaaskiisa ay ka mid tahay gudiga oo keliya hey’adaasi, oo qeyb yar ka ah, cuntada uu geeyo ee gargaarka ah.

Bishii September Madaxweynaha Soomaaliya Shariif Shiikh Axmed waxa uu waraaq u qoray Xoghyaha Guud ee Qaramada Midoobay oo uu ku difaacayo Mr Nuur, oo uu ku tilmaamay nin dabeecad wanaagsan, oo nadiif ah oo shaqo adag, waxaana uu sheegay haddii aanay ahaan lahayn qandaraasyadiisa in Soomaali badan ay dhiman lahayd.

Warbixintu waxay su’aal ka keentay sababta WFP ay si toos ah 80% qandaraasyadeeda gaadiidka qaada raashinka oo u dhigma 200 milyan oo dollar, saddex ganacsade oo kaliya, gaar ahaan markii looga shakiyay inay xiriir la leeyihiin kooxaha islaamiga ee kacdoonka wada.

Bishii January, Mareykanka waxa uu joojiyay tobanaan milyan oo dollar shixnad gargaar ahayd oo loo waday koonfurta, taasi oo looga cabsio qabay in loo weeciyo sidaasi oo kale.

Saraakiisha Mareykanka waxay aaminsan yihiin in qaar ka mid ah gargaarka Mareykanka uu gali karo gacanta al-Shabaab, oo ah kooxda ugu xag jirsan Soomaaliya.

Warbixintu waxaa kale oo ay sheegtay in Madaxweynaha Puntland uu xiriir la leeyahay burcad badeedda deegaankaasi, kuwaasi oo siiya qaar ka mid ah lacagta ay ka helaan maraakiibta ay afduubaan mas’uuliyiinta maamulka.

Mas’uuliyiinta Puntland xiriir waa lala sameyn waayay Talaadadii, laakiin Mr Aden, oo ah diblomaasi Soomaaliyeed ayaa beeniyay eedeeynta, oo uu sheegay in Puntland ay xabsiga dhigtay in ka badan 150 burcad badeed, isla markaana aanay lacag ka helin.

Waxa uu yiri “nasiib darro ah in kooxdan baarayaasha ah ay u malaynayaan in ay wax walba dusha ka saari karaan Soomaalida”

BBC Somali

In kasta oo u hore u jiray Shakiga laga qabo Xiriirka Alshabaab Iyo Burcad Badeeda, Hadana Hadalka Sheekh Shariif ayaa sii weyn arrinkaasi Il gaar ah ugu muudaya

Sheekh Shariif

Alshabaab ayaa iyagu ka Aaminsan Burcad badeeda Geesiyaal Mujaahidiin ah, Waxana aay Xeeryo iyo Magan ka siiyeen Magaalada Kismaayo oo intaa badan aay ka duulan kooxahani, taasina ma ahoo mid qarsoon balse Alshabaab marna ma sheegin inay ka tirsan tahay Burcad badeeda ama Xiriir la leedahay in kasta oo aay Taageero u heyso hab dhaqankooda

In kasta oo Alshabaab Aay sheegen inay diyaar u yahiin dagaal kasta oo u Mareykanku soo qado, Magaaladana aay soo geliyeen hub aad u fara badan oo nooca lidka diyaaradaha ah, Hadana Shacabku waxa u qaba Welwel xoog leh oo ku sabsan dagaalada iyo Xiisadaha Cusub, Iyaga oo is weydiin halka aay ka geli doonan duqeynta cirka oo ah iyaduna dhibaato kale oo ugu sii darsantay midii hore u heysatay

Intaa badan Dadka magaalada Muqdisho ayaa hore iyagu uga barakacay magaalada, halka kuwa kalena iyaga iyo Hantidooduba Bilaabeen inay magaalada ka baxan tan iyo marki warka Mareykanku soo baxay

Madaxweynaha Ayaa la filaya inu Jimcaha dib ugu soo laabto magaalada Muqdisho, waxana laga yaba in Dowladu ku dhawaaqo dagaalo ka dhan kooxaha ka soo horjeeda, madama aay xiligan heysato Taageerada Dhanka Cirka Ee Mareykanka Iyo weliba Dhulka oo Amisom Ah

Lacagtan oo lagu bixin doono cunto gargaar ah oo degdeg ah iyo biyo nadiif ah iyo dawooyin sidii ay u heli lahaayeen dad lagu qiyaasay in ay ka badan yihiin sadex million oo qof oo Somali ahi Dhegeyso

Dhegayso Warbixin

Gargaarkan oo qaybo kale oo ka mid ahna wax lagaga qaban doono dib u heshiisiinta dalka Somalia.

Xafiiska VOA-da ee London ayaa helay warbixinta ay soo saartay dawlada Britain , taasi oo ay ku xusantahay in deeqdan ay u kala qaybsami doonto laba qaybood.

Qaybta hore ayaa waxay ka koobantahay in kabadan 11 milyan oo Doolarka Maraykanka ah oo la sii marin doono hay’adaha gargaarka sida UNICEF Iyo Laanqayrta Cas, qaybta kale oo ka kooban in kabadan 8 milyan oo Doolar ayaa lagu bixin doona adkaynta nabadda iyo dib u heshiisiinta.

Wafdiga Madaxweynaha ayaa gees kale la kulmay madax kala duwan oo ka tirsan xukuumadda Britain kuwaasi oo ay ka mid yihiin Xogahayaha arrimaha Africa iyo Qaramada Midoobey Glenys Kinnock , Xogahayaha u qaabilsan Britain arrimaha Jaaliyadaha Shahid Malik .

Madaxweyne Shariif ayaa sida wararku tilmaamayaan u bandhigay madaxda Britain baahida ay Somalia u qabto nabad waarta

Waxa qoray Abdisalam Hereri

VOA Somali

Cali Dheere ayaa sidoo kale sheegay in Alshabaab Aysan wax lug ah ku laheyn dilalkii Shalay dhacay, Isaga oo ku tilmaamay kuwa aay ka dambeeyen wuxuu ugu yeeray Cadowga Illaahay, Iyo Ummada Islaamka, Waxana u Cali Dheere Sheegay in Raggi shalay la dilay la garanayo dadka dilay In kasta oo uusan sii rasmi ah u sheegin ama dhinac ugu Eedeyen

Dhanka kale dagaaladii Duqeymaha wotay ee Saaka ka dhacay Magaalada Muqdisho ayaa la sheegay inay ku geeriyoodeen Ilaa Toddoba Qof, Halka Aay Afar Iyo Toban Kalena ku dhaawacmeen, Waxana dadka Dhamaantood ahayeen kuwa Rayid ah madama aan la sheegin intaa badan dadka ka kala dhinta labada dhinac ee iska soo horjeeda

General William Ward waxa uu u xogwarramayey guddi ka tirsan golaha Senate-ka

Waxanu warbixintiisa ku sheegay inuu jiro qorshe haatan socda oo ah in gacanta lagu qabto magaalada Muqdishu

Warbixin

Waa arrin run ahaantii aannu gacan ka geysan karno, ilaa heer, in dawladda federaaliga ahi ay gacanta ku wada dhigto dhammaan magaalada Muqdishu, iyada oo la kaashanaysa ciidamada AMISOM iyo meelo kaleba   General William Ward, head of US Africa Command

Generaalku faahfaahin kama bixin qorshaha milateri, waxase uu sheegay in Maraykanku uu taagerayo dedaalkaas ah sidii looga saari lahaa kooxaha xagjira degaannada ay haystaan, looguna soo celin lahaa gacanta dawladda. Waxanu intaasi raaciyey in hawgalladani ay wax ka tari doonaan wax-ka-qabashada deganaansho la’aanta Somalia

Dawladda iyo AMISOM

Dawlada KMG ah iyo ciidamada AMISOM, waxay iyaguna beryahani danbe aad u hadal hayeen olole milateri oo kama-dambays ah oo ay damacsan yihiin inay ku qaadaan kooxaha islaamiyiinta ah, gaar ahaana ururrada al-Shaaab iyo Xisbu-Islaam, oo ay kaga saaran magaalada Muqdishu, iyo degaannada kale ee ay haystaanba.

Somalia iyo Maraykanka

Dawladda Maraykanku waxay sanaddii hore kor u qaadday gargaarki ay u fidin jirtey Somalia, waxayna dawladda ku-meel-gaadhka ah siisay hub, si ay iskaga caabbiso kooxaha islaamiyiinta.

Toddobaadkii horena, warbixin lagu soo daabacay jariidadda The New York Times ayaa soo xigatey sarkaal Maraykan ah oo aan la magac-dhebin, hase ahaatee sheegay inay suurtogal tahay in ciidamada hawlgallada milateri ee gaarka ah ee maraykanku ay ka caawin doonaan dawladda Somalia inay ka saarto magaalada Muqdishu ururrada xag-jirka ah.

Diyaarado Sahan

Wararka laga helayo gobollada koonfureed iyo kuwa dhexe, waxay iyaguna bilahani danbe ka hadlayeen diyaarado noocyo kala geddisan ah oo loo malaynayo inay yihiin kuwa sahanka oo soo gala hawada gobolladaas, degaannadaasi oo inta badan gacanta ay ku hayaan ururrada islaamiyiinta ah ee ka soo horjeeda, dagaalkana kula jira dawladda Somalia.

Faragelin Hore

Ma noqon doonto arrintani markii ugu horaysey ee maraykanku farageliyo Somalia, intii ay jireen dagaallada sokeeye. Waxase dadweynaha Maraykanka weli ku sii dheggan xasuustooda hawlgalladii 1990-yadii ee markii hore ku bilaabmay gurmad degdeg ah oo gargaar lagu gaadhsiinayo dadweynihi ku tabaaloobay abaaraha, laakiin ku danbeeyey in bishii Oktoobar ee 1993 in Maraykanka lagaga dilo Somalia ilaa 18 askari, kuwaas oo qaar ka tirsan meydkoodii la jiidjiidey suuqyada magaalada Muqdishu

BBC Somali

Dagaalkan oo Wotay Madaafiic labada dhinac isweydarsan ayaa waxa ku dhintay Labo Qof oo rayid ah waxana ku dhaawacmay Lix kale, Kadib markii Madaafiic aay haleeshay dadkan

Dagaalada Magaalada Muqdisho Ee ku saleysan Fikirada gurucan ayaa noqday kuwa intaa badan Shacabka aay Dhibaatada ugu badan ka soo gaarto, Madama kuwa lagu dul dagaalamayo aay iyagu yahiin

Madaxwayne Sheekh shariif iyo Wafdigiisa oo mudo laba maalmood ah ku sugnaa Magaalada London ayaan mar aan la xiriirnay xuubsireed uu inoo sheegay in aanu la kulmi doonin, Waxa uuna intaas raaciyay inuu aad uga xunyahay in Mansabkii Madaxwaynanimo meel looga dhacay, sheekh shariifna waxaa uu ugu baaqay in uu xilka uu ku magacaabanyahay deg deg isaga casilo

Waxay shaqadiisu ku soo dhamaatay ayuu yiri Xuubsireed in uu Alshabaab iyo Xisbu islaam wax ka sheego, oo hadba dalalka galbeedka mid lagu casumo si dhalinyarada Soomaaliyeed ee ku sugan dalka dibadiisa ugu khudbeeyo in aanay Alshaab taageerin lagana ilaaliyo Masaajidada oo uu ku tilmaamay in wacdi taageero alshabaab ah ay ka soo dhagaystaan.

‘’Sheekh shariif ma ahan nin go’aan qaadasho leh waxa uuna lumiyay kalsoonidii beeshiisa, iyo kalsoonidii Goboladii waligood taagersanaa Dowlada Federaalka oo ay ugu horayso Puntlland State of Somalia’’.

Xuubsireed ayaa ku tilmaamay Dowlada Federaalka inay ka kooban tahay Gobolo iyo Beelo isu yimid oo Maamul wada samaystay, shakhsi walbaana uu matalayo ama beel ama Gobol oo uu markaa ka soo jeedo, Waxa uuna sheegay in Hogaankiisa siyaasada uu yahay Madaxwayne Abdirahmaan faroole, Mabaadii’diisa siyaasadeedna ay ka tarjumayso waxa u danta ah shacabka Puntlland iyo umada Soomaaliyeedba.

Sheekh Shariif iyo shakhsiyaadka ka agdhow dagaal cad oo siyaasadeed ayay ku qaadeen Shacabka iyo Maamulka Puntlland iyaga oo ka horyimid dhamaan hishiisyadii lagu gaaray Magaalada Gaalkacyo, Puntllandna waxay ka dhigeen suuqii bakaaraha oo subax walba madaafiicda iyo xabadaha lagu quraacdo.

Waxay diideen inay u aqoonsadaan Puntlland inay ka mid tahay Soomaaliya nabadna tahay, Soomaaliya oo idil dab inuu ka baxayo ayay dunida la wareegayaan, dhamaan goobihii gacanta ugu jiray Dowladii ka horaysay sheekh shariif gacanta ayay ka saareen, mana filayo ayuu yiri inay Puntlland albaabada u furi doonto Dowladan Sheekh Shariif

Sheekh Yusuf Indha Cadde Ayaa Sii Kulul ugu Eedeyey Dilkaasi Xarakada Alshabaab Oo aay garab wadaag yahiin kooxda Maanta ninka Sargaalka ah laga dilay Ee Xizbul Islaam

“Arintaa waa midii Suuqa Bakaraha looga saaray Maxaakiimta Waana Cadahay in Alshabaab ay ka Dambeyso dilka Barre Cali oo ahaa nin la yaqaano waxana lagu dilay Maasjidka abu Hureera Agtiisa, marka Alshabaab Waa lagu yaqaanaa falalka noocaasi oo kala ah waana koox baneeysatay dhiiga Ummada Muslimka Ah” Ayuu Yiri Indha Cadde

Sheekh Yusuf Indha Cadde ayaa ugu baaqay kooxda Xizbul Islaam in ay la midoobaan Dowlada Federaalka ah mar hadii Alshabaab ay u Aqoonsatay koox Murtadiin ah sida uu hadalka u dhigay

“Xasan Daahir waxaan u Sheegayaa in uu Murtad ka yahay dhanka Alshabab oo dil lagu Xukumay Dowlada Federaalka Ahna Hore Ayaa Murtad loo dhahay marka iyaga lee Muslim ah ee Iska dhacsha ma soo gala Dowlada Somaliya si aad u badbadaan” Ayuu Yiri Indha Cadde

Hadalka Indha Cadde ayaa ku soo beegmaya Iyada oo Isla maanta u Falka dilka ah dhacay, Waxadna mooda in Indha Cadde la soo degdegay Hadalka u yeerida kooxda Sheekh Xasan Daahir Aweys Hoggaamiyo Ee Xizbul Islaam, Oo isaga Qudhiisu Waa Sheekh Yusuf Maxamed Siyaade u hore uga tirsana ka hor intaa uusan ku Soo Biirin Dowlada Federaalka KMG ee Somaliya

Kooxaha Burcad badeeda Somalida ayaa gacanta ku dhigay Dooni kaluumeysi oo laga leyahay Wadanka Spain taasi oo ku goosheysay Calanka Wadanka Kenya, Waxana Kooxaha Burcad badeedu la sheegay inay ka soo Afduubteen Doontan iyada oo Mareysa Badweynta Hindiya, Sida aay Sheegen Saraakiil ka tirsan Ciidamada Badda Ee EU-da Waxa Doontan la afduubtay loola dhaqaaqay Dhanka Xeebaha Degmada Xaradheere oo Xiligan noqotay Halka Hooyga u aha kooxaha Burcad badeeda Iyo Doomaha aay afduubtan

Doontan ayaa lagu magacaaba Mv Sakoba, Waxana Saarna Kabtan u Dhashay dalka Spain Iyo weliba 15 Shaqaale ah oo u kala dhashay Wadamada Kenya, Poland, Senegal, cape Verde Iyo Namibia

Kooxaha Burcad badeeda ah ayaa Maraakibta aay Afduubtan mar kasta Weydista lacago Madax Furasho ah

Madaxweynaha Somalia Sh Shariif Sheekh Ahmed waxa uu xalay ka hadlay xarunta Chatham House ee magaalada London. Ka horna waxa uu la kulmay ra’iisal-wasaaraha Gordon Brown

Madaxweynuhu waxa la hadlay dadweyne ka socdey qaybo ka mid ah jaaliyadaha Somalida ee ku dhaqan magaaladani London, siyaasiyiin, diblomaasiyiin, iyo weriyayaal ka tirsan saxaafadda kala geddisan. Waxayna wax ka weydiiyeen xaaladihii ugu danbeeyey ee Somalia, qorshaha dawladdiisa, iyo socdaalkiisan

Galabnnimadiina waxa uu Sheekh Shariif la kulmay ra’iisal-wasaaraha dalkan Ingiriiska Gordon Brown. Waxyaabihii uu muhiimsanaa wadahadalkooda waxa BBC-da uga xog-warramay wasiirka arrimaha debadda, Cali Jama Jangeli oo ka tirsan wafdiga madaxweynaha

Maxay ka wada hadleen Sh Shariif iyo Gordon Brown?

Wasiirku waxa uu sheegay in wada hadalka madaxweynaha Somalia iyo raiisal-wasaaraha Igiriiska ay ugu waaweynaayeen sidii Somalia looga caawin lahaa dib-u-soo-celtintii deganaanshaha, dib-u-dhiska Somalia, iyo weliba wax-ka-qabashada dhibaatada Budhcad-badeedda.

Madaxweyne Sh Shariif inta uu joogo dalkan Ingiriiska waxa kale oo uu la kulmi doonaa wasiirada iyo saraakiil ka tirsan xafiisyada kala geddisan ee dawladda, iyo jaaliyadaha Somalida ee magaalooyinka Ingriiska qaarkood

BBC Somali

Kadib xiriir xaga qadka Taleefonka ah oo ay la soo sameeyeen taleefishin ITV News +Video Ee Dalka Ingiriiska ayaa Labada Lamaane ee u dhashay Ingiriisku waxa ay sheegeen in kooxaha Burcad Badeeda Somalida ay ku Hanjabeen in Afar Maalin Gudahood ay ku dili doonaan Paul Chandler Iyo Xaaskiisa hadii aan la bixin lacagaha madax furashada ah oo gaaraya ilaa iyo Toddoba Milyaan oo Dollar

Lamaanayaasha waxa ay sheegeen in loola dhaqmo si ka baxsan Binu’Aadannimada ayagoona carabka ku dhiftay in lagu garaaco qoriga baadkiisa

Waxa ay intaasi ku dareen in haatan labadooda la kala fogeeyay isalmarkaana ay ku xiran yihiin labo goobood oo kala duwan oo ku yaala gudaha wadanka Somaliya

Dhanka kale Xafiiska Arrimaha dibadda ee Dalka Ingiriiska ayaa sheegay in uu ku howlanyahay islamrkaana dadaal xoogan ugu jiro sidii Muwaadiniintaasi loo sii dayn lahaa

Paul Chandlar iyo Xaaskiisa ayaa laga qafaashay Badweynta Hindiya 21 Bishii October Ee Sanadkii Hore

Afhayeenka Xarakada Mujaahidiinta Alshabaab Sheekh Cali Maxamud Raage ayaa been ku tilmaamay war lagu qoray Wakaalada Wararka ee Rueters, Afhayeenka ayaa sheegay in Warkaasi yahay mid been abuur ah oo lagu been abuurtay Xarakada Alshabaab isaga oo Sidoo kalena sheegay in Barta Internet-ka ee Alqimmah oo Qoraalada Rueters Daabacday laga xigtay u yahay Website aysan Alshabaab wax lug ah ku laheyn

Hadalka Afhayeenka ayaa meesha ka saaraya warar Saxaafada ku jiray oo sheegayey in Amiirka alshabaab Uu u Hanjabay dalka Kenya

Wasiirka iyo Duqa degmada Ayaa la sheegay inay magaalada Nairobi u joogeen Hawlo shaqo, waxana la sheegay inay woteen Sharci balse lagu eedeyey Arrimo la xiriira ka dhego adeyg Sharci

Ilaa hada lama oga halka aay ciidanka Kenya ulaa dhaqaaqeen Wasiir ku Xigeenka Arrimaha Gudaha Cali Yusuf Cali Hoosh, Iyo weliba Cismaan Buux Cali Duqii degmada Qardho

Dowlada Kenya Ayaa Maalmahan dambe woday Olole ka dhan Ah Siyaasiyiinta Dalka Somaliya iyada oo Kenya hore u Xirtay in ka badan 1o Xildhibaan Iyo weliba dad Shacab ah oo Aad u Fara badan

Wixii Ku Soo Kordha Arrimaha kala Soco Somalifans Online

Wasiirka Lacagta ee DFKMG ah ee Somaliya Cabdiraxmaan Cumar Yariisow oo ka hadlayay magaalada Muqdisho Maalinimadii Shalay, ayaa ku Eedeeyey dawlada Puntland in ay ka soo horjeedo waxqabadka DFKMG ah ee Somaliya, isagoo sheegay in talaabadii ay ku diiday soo daabicida lacagaha cusub ay tahay mid muujinaysa in aysan Puntland raali ka aheyn waxqabad ay gaarto DFKMG Ah

Wasiirka Lacagta ayaa sheegay in aysan Puntland uga baahneyn waxba, Waa sida u hadalka u dhigaye, isagoo sheegay in ay lacagahaas imaan doonaan gudaha dalka Somaliya, marka lasoo daabaco, kuwaas oo uu sheegay in ay dan ugu jirto dadka Somaliyeed

Cabdiixmaan Yariisow oo ah Wasiirka Lacagta ee DFKMG ah ee Somaliya, ayaa ka soo galay dawlada dhinaca Madaxweyne Sheekh Shariif

Dadweynaha ayaa sheegay inay welwel ka qaban sii kororka kooxaha Burcad badeeda ah iyo weliba Xaalada magaalada aay ku abuuri karan hadii aay sidaan ugu sii sugnadan

Burcad badeed ayaa lagu Eedeyey inay magaalada soo geliyen Mandooriyeyaal Iyo weliba Lacag aad u fara badan kuwasi oo laga qabo inay dadka ku Abuuran Sicir Barar xoog leh

Maamulka Magaalada iyo Burcad badeeda ayaa ah iyagu kuwa xiriir fiican ka dhaxeeyo in kasta oo Shacabku aad u dhaliilayo Burcad badeeda, lama oga arrinkan inay wax ka qaban doonan Maamulka Xarakada Alshabaab ee halka ka taliya, in kasta oo Shabaabku iyagu yahiin kuwii markii horeba u ogoladay Burcad badeeda inay saldhig ka dhigtaan Xeebaha magaalada Kismayo

Kadib dagaal culus oo saaka ilaa maanta Barqanimadii ka socday magaalada Baladweyne ee xurunta Gobolka Hiiraan ayaa Ururka Xizbul Islaam waxa u ku guuleystay inu sii buuxda ulaa wareego Magaalada BaladweyneDhegeyso

Dagaalka ayaa ka qarxay bartamaha magaalada Baladweyne iyo weliba Agagaarka magaalada iyada oo dagaalka u dhaxeeyey Ururka Xizbul islaam Iyo Weliba Ahlu Sunna Waljameeca, waxana wararku sheegayan in dagaalka la isku adeegsaday hubka noocyadiisa kala duwan

Warbixinta Dagaalka Baladweyne – BBC Somali

Waraysi Qof Jooga Magaalada Baladweyne – BBC Somali

Xizbul Islaam ayaa guul ka gaaray dagaalkan iyaga oo dib u riixay kooxahii ka soo horjeeday ee Ahlu Sunna Waljameeco

Intaa la ogyahay dagaalada maanta ayaa waxa ku dhintay hal qof waxana ku dhaawacmay Afar kale

Baladweyne ayaa aheyd muddoyiinkan dambe meel aay ku hardamayaan Maleeshiyada Ahlu Sunna Waljameeco Iyo Ururka Xizbul Islaam