Intaas kadib waxay u tageen Saacid oo Xir Xiran Aadna u Il-daran, dadka lama hadleynin, Marku Indhaha ku dhuftay Samiiro ayuu u Ekaaday nin Bogsooday, dadkii ayaa yaabay sida uu fiirinayo Qofkaana wuxuuna tiriyay Tixdaan

• Halkaan Ka Akhriso Qeybtii Kowaad
• Halkaan Ka Akhriso Qeybtii Labaad
• Halkaan Ka Akhriso Qeybtii Saddexaad
• Halkaan Ka Akhriso Qeybtii Afraad

Mahadaa Ii Waalay

Oo dalaalay Jaceylka

Isagaa Duur Cidla Ah

Oo Samiiraan doortay

Aroos kula dakeeyay

Isagaa duubkeedii Iyo

Diraaceedii daliiqay

Naaskeedii dubaha aha iyo

Dibnaheedii daawaday

Daa’imow illaahow

Indhahiisa dam sii

Gacmahiisa duuboo

Luuhiisana dabar

Daarta uu ku hoydana

Dab holcaayo ku daa

Da’hadey haysana

Dila hoogan ka yeel

Kii dabiibi lahaana

Mid la duugay ka yeel

Tixdaan intii u tirinayay wuxuu farta ku fiiqayey Samiiro dadkoo dhana indho taag taag ayaa ka soo haray Samiiro, Dhidid waa weyn ayaa ka yimid waayo Habaarka ayuu ugu roonaday kadibna Samiiro waxaa u yeeray Saacid Adeerkiis wuxuuna weydiiyay sida ay wax u dhaceen waxayna ku jawaabtay ”Saacid kalsooni is-barasho ayaa naga dhaxeysay mana ogeyn in jaceyl dhab ah uu ii qaaday, hadana waxaan ahay Marwo laakin aniga oo tixgelinaya bani’aadnimada Adeer hoo lacagtaan, waxaa jiro waqti ee ha lagu daweeyo, midda kale Xaaladiisa kor ayaan kala socon doonaa, hadana Nabadeeeey

Ikraan iyadu ka hartay oo waxay ku hartay Saacid laakiin waxa uu ka jesan diiday dhankii ay Samiiro ka baxday waxaana hal qabsi u noqday NUQDA TEYN FOOQUL BACLI, FULL STOP

laakiin dadku ma garaneyn micnaha uu ugu jeeday Ereyadaas ileyn maskax ma hayee, adeerkii ayaa la yaabay wuxuu yiri Saacid adeer maxaad dooneysaa??

Saacid wuu istaagay isaga oo xir xiraan waxaana ku xoonsana dad fara badan oo ragg iyo dumarba isagu jiray isagoo gacmaha kor u taagaya ayuu yiri

Daa in waa illaahay

Dadka taan ka doortaa

Dabin ii dhigaysoo

Damac iigu beertay

Dariiq igu daysay

Dooqlaay inay tahay

Daah igama saarnee

Daacad baan u ahaa

Mahad bayga raacday

Dadow Aqal daleeshii

Daahyada u xirataa

Damaceeda gelisa

Da’hasiin Illaahow

Danaheeda dhaafsii

Durji daaro dheer saar

Duruuraha cirka iyo

Dabaylaha ku sii daa

Intaa markii u marayo ayuu oohin la dhacay, Adeerkii ayaa fariisiyey illintina ka tir-tiray, isagoo dadkii meesha ku soo Ururay ku dhahaay, Wiilkayga Faataxada isugu dara tani waa Waalli Iyo Walbahaar Jaceyle

Dhammaad

FG Fadlaan Hadii aah Heyso Sheeko Ama Barnaamij Xiiso Leh Waxad nogu soo diri Karta Somalifans@hotmail.com

Inaas markuu ku hadaaqay ayaa reerkiisi isla garteen in ay Qur’aan saaraan, Arrintaas Samiiro waxba kama ogeyn, In kastoo markii dambe Ikraan u sheegtay in Xaaladiisu xun tahay oo u dhimir la’aan qarka u saaran yahay, Samiiro uma diir nixin Akhbaarta Ikraan, Waxayna ugu jawaabtay ”NASIIBKIIS”

Saacid Xaaladiisu aad ayay u sii Xumaatay waxaana loogu yeeray Wadaado si ay Qur’aan u saaraan, Suuxdinta IYo Isla hadalkana waxay u noqdeen Caadi, Markii Qur’aanka lagu bilaabay Ayuu Isna Tixdaan Bilaabay

• Halkaan Ka Akhriso Qeybtii Kowaad
• Halkaan Ka Akhriso Qeybtii Labaad
• Halkaan Ka Akhriso Qeybtii Saddexaad

Waadiyaal Durdur ah Iyo

Webi Baygu soo jabay

Waxa aan u Wareeray

Wacadka daraaddii

Waxa Weyne ii qortay

Waa inay ii diidoo

Wadada igu dhaafto

Wel wel tire wasaafaad

Wa luxaa Iyo Wa layl

Waduurkaad Aqrineysaan

Waali Iyo Walbahaar

Wahab igama gooyaan

Warankii Jacaylkaa

Wadnaheyga gaaroo

Wadnaheyga hadaad rabtaan

Waa in Aan Samiiro helaa

Wadaadadii ma hakin Qur’aankiiye halkooda ayay ka sii wateen, Ikraan oo la socotay Arrimaha Sida ay u dhacayaan ayaa ku wargelisay Samiiro Iyo weliba Mahad Yare arinta Saacid, Intaas kadib Mahad oo arrinta wax ka ogaaday ayaa ku amray samiiro in wixii ay ka qabto Saacid oo kharash ah ay u geyso, intuu Lacag u soo bixiyay ayuu darawalkii gaarigana ku amray intuu labada gabdhood qaado soona celiyo

Intaas kadib waxay u tageen Saacid oo Xir Xiran Aadna u Il-daran, dadka lama hadleynin, Marku Indhaha ku dhuftay Samiiro ayuu u Ekaaday nin Bogsooday, dadkii ayaa yaabay sida uu fiirinayo Qofkaana wuxuuna tiriyay Tixdaan

La Soco Qeybta dambe

Intaa Markii Lays dhaafsaday ayaa lagu balamay laba Saac Ee Habeenimo goobtana laysi sheegay xoogaa saabuun ahna gacanta loo geliyay oo Jaaw Iyo Jaaw lays weydaarsaday ayaa gaarigiina dhaqaaqay, Samiiro Markaa waxay isku sheegtay Caawuu i bartaye hadii uu ii guursanlaha sow lacag kama dhergi laheyn? Alaw anayii dhacatay ma waxa uu ogaa in balwadeydu lacag tahay alaw uusan ii ogan

Halkaan Ka Akhriso Qeybtii Kowaad

Halkaan Ka Akhriso Qeybtii Labaad

Isla markiiba may aadin gurigoodii ee waxay beegsatay Xaafada Saaxiibteed Iyadoo rabta Aqbaarta soo korortay inay u sheegto, waxayna u tagtay Saaxiibteed oo qolkeedii Fadhida Samiiro ayaana hadalkii bilowday iyadoo la moodo inay Janadiii loogu bishaareeyay, Waxayna u sheegtay in ay baratay Nin Cusub oo wata Gaari cad waxayna tustay Lacagtii uu siiyay Saaxiibteed ayaa markaa tiri ”Oo Aaway Saacid? Isagaan kuugu Ogaaye??”, Nin aad muddo wada socoteen, Sideed hal habeen ku ilowday ma waxaad mooday jaceylka in la Iibsado, Mideeda kale Saacid waad ka heli jirtay waxad u baahato ee yuusan nabsi ku helin, Intaas waa iga waano, adigana damacaaga adiga Oog” Samiiro ayaa tiri ”Ikraan Waa ruunta Laakiin ma moodeyn in aan i Khilaafeyso Hadii aan runta ku sheegana waxaan doonaya Mahad, Midda kale Saacid anigu niyad umaba heyn awalba, laakiin waxan ka sixi jiray dharka iyo Shoobinka, hadana waxaa ii muuqda Guri weyn Iyo Gaari cad oo aan anigu lahaan doono ee Abaayo Nabadeey”

Waxaa la gaaray Ballantii ay lahaayeen Mahad Iyo Samiiro, Kadib markii ay kulmeena waxa lagu Heshiiyey in ay Is-guursadaan, Meher iyo Aroooskana hal mar laga dhigo, dhacdadaas Saacid waxba kama ogeyn, wuxuuna ku Mashquulsanaa gaarigii 110-ka ahaa oo Maalmahaas ka haleysnaa, Laakin waxaa u is-lahaa adigaanba wax heyn samiirana baray in aad wax siisee sideed u hor is-taagtaa adiga oo faro maran, taasi fursad ayay u aheyd Samiiro waayo ma dooneynin in uu fahmo Saacid, iyada oo ogeyn Jacaylka xad dhaafka ah ee u qabo

Wuxuu waqtiga is-gurba waxa la gaaray Arooskii Samiiro Iyo Mahad Yare, Halkaasoo nikaaxi iyo Aqalgeyntiiba laga dhigay hal mar, Saacid waxa dhacaya waa ka dar alla wuxuuna ku mashquulsana Bacda uu habeenka ballan jiro horay u soo buuxin jiray ee Shoobinka aheyd, Samiirona waxay ku dakeyneysay guri weyn iyo weliba gaari Cad

Maalin Maalmaha ka mid ah ayaa waxa kulmay Ikraan Oo Aheyd Samiiro Saaxiibteed Iyo weliba Saacid, Salaan diiran kadib waxaa u weydiiyey Akhbaarta Samiiro, Amuus yar kadib, Waxay u sheegtay inay tahay Marwo oo u nin guursaday ninkaas oo la yiraahdo Mahad, intaas markii aay tiri ayuu Is-celin waayay, Wuxuuna ku dhacay dhulka, Foos waxay ka haray yaab!!!, taksi ayay uu yeertay iyadoo niyadda iska laheyd Maxad ugu sheegay, waxaa la geeyey gurigiisi oo ay horay u Taqiinay Ikraan, Reerkiisi ayaa ku soo xoomay iyo weliba deriskii, halkaana waxaa lagu wareystay Ikraan, waxayna sheegtay wixii dhacay oo dhan

Saacid wxa la jiifiyay Gurigiisi iyada oo la ogaaday inu shook qaaday, muddo kadib ayuu soo naaxay wuxuuna hadal ku bilaabay

Waxaan ahay Nin Waasho

Wadadii Ka Weecday

Webiyada jid mooday

Wareereyda Dunidiyo

Waqtigaa I Wiiqay

Waayihii Aan soo maray

Wehsi aniga keyga ah

Wax baa lagula Hayaaye

Isla weyni Eersaday

Anna Waayay Gabadhii

Wehel Aan ka Dhigan lahaa

La Soco Qeybta Dambe

Markey Tixdaas dhameysay ayay ku booday sidaa dhalaan ay dhashay, Qalinka ayaana habeenkaas lagu duugay in Daacad lagu wada socdo oo aan la is qiyaamin, wax la balamaba waxa is-guray waqtiga, waxayna wada socdeen muddo Hal sano Iyo bar ah, cid walbana wey isku ogaatay, walow Samiiro ay aheyd mid lacagta ka lista ragga, Saacidna waxaa uu aha deeqsi jaceylkiisa gadanaya wayo Habeenkii uusan wax wadanin looma riyaaqayo

Halkaan Ka Akhriso Qeybtii Kowaad

Mahad isaga oo la moodo mid heley wuxuu donayay ayuu u tirayay Tixdan, isaga oo adeegsanaya Qibrad dheer oo uu u laha haasawida Dumarka, wuxuuna tixdiisa ku bilaabay Sidaan

Qureyshtii Haweenkaay

Qaalidii aan doortaay

Qalbigaad iga qaaday

Qoortaada dheer Iyo

Qosolkaan qareexada ah

Qunyar socodka laafyaha

Qiyaastaan la yaabo

Qalinka iyo Luul

Qiimahaaga ka weyn

Qandhada i kedisay

Qur’aan igama qaadee

Qawlkeyga Yeel

Markuu intaas marinayo ayey arkay garigii oo jidka kala bixi rabo, iyaduna indhaha Qabsatay, weyna naxday Samiiro waxayna u qaadatay inay Shil galeen, Nasiib wanaag way badbaadeen waayo daahir wuxuu khibrad fiican u lahaa kaxeynta gaawarida noocii uu doono, Wixii ay soo socdaanba waxa uu keenay meel aan ka fogeyn Xaafadeeda, Waxayna iyada oo degi rabta ku dhawaaqday Samiiro Ereyadaan

Qumanow Aboowe

Quruxdaad igu sheegtiyo

Qorshahaad iga leedahay

Khilaafi maayo warkaaga

Qawl in aan iska qaadno

Qalad iyo quursimaad

Qaaf aan iska dhowro

Qaadirkey hanoo kasoo

Quud in aan wadaagnoo

Qoyskaaga aan ahaado

Qiyaas ii aragoo

Qoorshaheena dahmee

La Soco Qeybta Dambe

Waa maalin Magaalada Muqdisho gebi ahaanteed ay qasneyd waxaana la maqlayey guryanka Madaafiicda iyo gurxanka Rasaasta, Dadka oo raxan raxan u socda ayaa hadba meel u Qaxayey, meesha aay ku nabadgelayaan, Waxan maalinta soo raacay Saaxiibkay Cabdiweli isaga oo u socda Isbitaalka Madiina oo u ka hawl geli jiray, Waxan halka kula kulanay gabadh Dhibaateysan oo Dhiig u bahan, Aniga Iyo iyada ayaana isku dhiig noqonay isla waqtigiba waan u Shubay Dhiigi, Ruuntina gabadha ma aqoon in kasta oo ay aheyd gabadh dhaawac ka soo gaaray dagaalada iyo madaafiicda ka socotay Muqdisho xiliga, Waxana aay Gabadhu aheyd Mid aad u Qurux badan oo ruuntii leh soo jiidasho, Gabadha Ma aqoon Magaceeda in kasta oo Maalin dambe u Saaxiibkey ii sheegay, Hadana ma heysan Meel aan kala xiriiro waxan intaa badan ku jiray Raadinteeda

Balse Nasiib wanaag Maalin Maalmaha Aniga oo u socda Xaafadeedan, Ayaa waxay indhaygu qabteen dad ku xoonsana Duleedka Agagaarka goob Meherad ah oo ku taala degmada Shibis Ayaa waxay Indhaygu qabteen Samiiro oo dhexda kaga jirta dadkii Xoonsana, Aad ayaana u farxay Anigoo ku il-doogsanaya Quruxdeeda waxan ku iri ”Samiiro ii waran Abaayo?”, ”Nabad Aboowe Saacid iiga waran Xaaladaada Sow caadi maahan?” ayay tiri ”haa Abaayo” ayuu isna ug jawaabay.

Samiiro ayaa markaas tiri ”Ma iloobin aboowe Asxaankii aad hore ii gashay iyo dhiigii aad ii shubtay, anigoo dhaawac ah, markastana waan ku xasuustaa” Saacid ayaa marka yiri ”Abaayo waxaasi waa iska caadi ee adiga ayaan ku rabay. Waana ku imaanaya ee sidaa ula soco Ayuu Samiiro ku yiri, Samiiro ayaa iyaduna tiri ”Goorma Aboowe” ”Caawa iyo halka saac, goobtana waa gurigaaga ayuu ugu Jawaab celiyey, Halkaas ayaana la isku Macasalameeyay

Waxa la gaaray Waqtigii Ballanta, Saacid wuxuu soo beegsaday gurigii ay Samiiro ku nooleyd, in kastoo ay sii diiran u soo dhoweeysay hadana ma garan Ujeedada uu ka leyahay iyadana, isaguna wuxuu ku hawlanaa sidii uu bilaabi laha wuxuu damacsan yahay, wuxuuna tiriyay tixdaan

Macaaney Abaayo

Miisanka Caashaqa

Ma Ila Mataleysaa

Mise waad iga diiday

Maalmahaan Aduunyadu

Maba ii Macaanoo

Minankaan ku noolahay

Maba soo xasuustee

Midii aan arkaaba

Adigaan ku mooda

Macaaney iraahdaa

Markiba aan ku salaamana

Mid kaleeto noqotaa

Midigteyda qaba oo

Murugtaan iga saaroo

Meesha aan ku muteystay

I Marsii Abaayo

Intaas markii ay dhegaheeda ku dhaceen Samiiro aad ayay u Danqatay iyadoo soo xasuusatay Asxaankii uu u sameeyey Iyo Weliba dabeecaddiisa wanaagsan markaas ayay tixdan geeraarka ah jawaab celin uga dhigtay

Mar hadii aan maqlay

Muxibadaad ii qabtiyo

Muraadkaad ka hadashay

Mirahaaga Macaan

Maskaxdeyda gaaroo

Miirkeyga ma joogo

Miisaanka cashaaqa

Maantaan matalayaa

Macaanow sidoo kale

Muhshada Kalgacalka

Maankeyga doorashay

Mar hadaad igu beertay

Mudul xalaal ahaan

Mowle nooga tuuga

Inaan wada Mushaaxnoo

Marwadaada aan noqdoo

Midigtaada jiifee

La Soco Qeybta Dambe

Wiil Waal Iyo Wiilkii U Abtiga U Ahaa

”Geel Xoolo Wuu yahay, Arina Xaas Wuu yahay Farasna Xarago Wuu yahay”

Wiilwaal wuxuu aha nin Geesi ah, Boqor ah, Caaqil ah Sidaa darteed, dadka Geesiyaalka ah ee caqliga badan wuu jeclaa Wuuna Necbaa

Sidaa Awgeed dadka isaga u xukumo ama Xididka Xigtada ay yihiin wuxuu jecla inay noqdaan dad wada Geesiyaal ah oo wada caqli badan, inkastoo uu ka baqi jiray in Xukunkaa uu ka qaadi doono nin Geesi ah oo caqli badan. Sidaa Awgeedna dadka Geesiyaasha ee caqliga badan il gaar ah ayuu ku eegi jiray

Maalin Maalmaha ka mid ah Ayaa waxa la yiri ”Wiilwaalow” inantii Walaasha aheyd waxay dhashay Wiil Doqon ah, oo adiga aan ku Raacin, Waana kuu ceeb maanta in wiil Calle ah oo Wiilwaal baa Abtigay ah leh inuu dunida joogo” Wiilwaal arrintaa aad buu uga xumaaday wuxuuna u arkay dhaawac weyn soo gaari karo Haybaddii u dadkiisa ku dhex lahaa, Hase yeeshee wuxuu go’aan ku gaaray inuu Warkaas Hubsado, oo u aado wiilkii IYo walaashii Dhashay ee u abtiga u ahaa sii u caqligiisa u soo tijaabiyo

Markiiba Faraskiba intuu kooraystay ayuu waddada cagta saaray, dhinac kale wiilka uu Wiilwaal Abtiga u aha Isma aanay arag Weligood, ilaa intii uu ka qaangaaray, Markastana Hooyadii wuxuu ku oran jiray Hooyo Maalin Un maad abtigay i Tustid intaa ifka wada joogno, Hase yeeshee hooyada oo iska Mashquulsaneyd iyo reeraha oo kala fogaa darteed codsigaa waayo badan wuu fuli waayey

Waagi dambe markii wiilkii uu Hooyadii ku wareeriyey ”HOOYO ABTI MAD I TUSTID” ayaa waxay tiri ”HOOYO ANIGU KUMA RAACI KARO OO JILIB XIRAN BAAN AHEE EE ABTIGAA WAAN KU TILMAAMAYAAYE AAD” intay faraskiisi u heenseesay ayey jidka ku soo riday lana dardaarantay una sheegtay in abtigii tilmaamihiisa kuna toosisay tubtii uu u mari lahaa, Wiilkii wadada ayuu ku soo dhaqaaqay isagoo maanka ku haya in maanta abtigii u la kulmi doono, Haseyeeshee wax yar kadiba waxay isaga hor yimadeen meel dhexe oo labadii reerood u dhaxeysa, Wiilwaal oo aha nin fiiro dheer ayaa markiiba hubsaday wiilkani yahay Wiilki la sheegayey ee u abtiga u ahaa, Wiilkii Qudhiisa wuu maleeyey, Hase yeeshee uma hubneyn

Markiiba Wiilwaal Wuxuu bilbabay Isagoo isu sheegin inuu garaadka Wiilk u abtiga u yahay Tijaabiyo, Wuxuuna ku yiri ”WARYAA XOOLO MAXAD KA TIMID, OO XAAS MAXAAD KA TIMID , OO XULQUUN MAXAD KA TIMID, OO XARAGO MAXAD KA TIMID, OO XIL MAXAAD KA TIMID” Wiilkii ayaa ugu Jawaabay ”XOOLO WAXAAN KA IMID BOQOL NEEF OO GEEL AH, XAASNA WAXAAN KA IMID LABA BOQOL OO RIYAAD, XULQUUN WAXAAN WAXAN KA IMID BOQOL NEEF OO IDO AH, XARAGO WAXAN LA IMID FARASKAN AAN KU JOOGO, XILNA WAXAAN KA IMID ANIGA IIYO XIDIDKAY OO WADA YAAL”

Wiilwaal baa intuu qoslay yiri ”XAASHA EE BEEN BAY II SHEEGEEN” adiga iyo Doqonimo way kala fogtahay. ”GEEL XOOLO WUU YAHAY EE DADKAAGA KU DHEX DHAQO CAANAHIISANA HAKULA DHAMEEN, DHICIISNA HAKUULA GURMADEEN, ARRINA XAAS (Riyana Xaas waa Yahiin, NAQ DAMBANA HA HELEEN NAAG WANAAGSANA HA ILAALISO, IDANA XURQUUN WAA YAHIIN DOOXNA LA OGOW, DEYR DHALKANA KA OGOW, FARASNA XARAGO WUU YAHAY KU JOOG AMA KA JOOG, XIDIDKAANA WAA XIDID KULA YAALE KALA OOD FOGAADA” Halkii ayuu isugu sheegay oo Wiilwaal ku kaxeeyey inankii uu abtiga u aha gurigiisina ku geeyey dhowr Toddobaadna uu ku Marti qaadnaa

Sheekadii ka bilaatay meeshaas waxeey socotay sadax bilood, oo la yaab leh, horay aan loo maqlin loona arkin. Warqado, gabayo iyo heeso wadda macaan oo caashaq wada xinbaarsan, ayaa la is dhaafsanaayay. Maariya inbadan waa laga codsaday in ay is arkaan, maadaama ay isku magaalo joogaan, waasa ka gaabsatay, oo arinta weli waa ka fekereeysaa. Maariya maalinba maalinka ka danbeysa ninkaan iyo sheekadiisa waa ku sii faafee, waa ku sii xirmee, nafta iyo qalbigu waa ku wada naawiyaan. Ugu digaan in ay dhumiso ninkaan! Maariyo qofna kuma wargelinin ninkaan cusub oo ay baratay, isla markaasna ay jeceshay. Sideey qof ugu sheegee ayadaaba weli iskuma qirsana in ay jeceshahay ninkaan, oo ay naftu diidantahay la’aantiis? sidee qof ugu sheegtaa ayadaaba ku kalsooneen in waxa ay dareemeyso ay yihiin JACEYLKII ay maqalka ku maqashee? masa jiraa JACEYLA horta?!
Waa isbedeshay, waxyaabahii hore oo ay xiiseen jirtay ma xiiseeyso, waa ka hartay dadkii ay la socon jirtay, iyo gabadhihii ay la wareegi jirtay markii iskuul jiran. Feker iyo kali ahaansho badan ayaa ku soo kordhay. Arintaas hooyadeed ayaa horay ka dareentay, oo ay walwal ku abuurtay, markay warso maagtayna waxeey ku qancisay in wax cusub jirin, oo ay jecleeystay oo kali ah in aysan banaanka aadin. Saaxiibteed Foos aad ayeey ula yaabtay, waana tabtay, oo waa halkeeda saaxiib, hadii ay xataa gurigooda ugu imaato ayada Maariyo maahan qof caadi ah, uma sheekeeyso sidii hore, kaftan iyo is foorjeeyn meel dhig, xanaaq iyo haruuf ayaa ka soo haray. Dunida dhan wax aan ninkaan aysan waligeed asigoo nool oo socdo arkin maahane inta kale dhadhan maba u lahan, warkoodane maba ka hesho, in ay digrinaayaan iyo in ay heesaayaan ayaga kala yaqaana, maahane ayada xiiso uma lahan, waana ka xanaaqdaa waxwalba taas oo sababaysa in si fudud loo fahmo isbedelka ku dhacay Maariya dabeecadeeda iyo dhaqan maalmeedkeedii lagu yaqaanayba. Gabadhaan wixii ay ahaato baari, quruxleey, qalanjada qarniga laga daba yiraahdo, asxaabta iyo ardayda ay isku iskuulka yihiin soomaali iyo ajnabiba ay jecelyihiin, hada qof laga cararo ayeey isku bedeshay, laga cabsado, meesha ay mareeyso Allow ha iigeeynin, hana i tusin lagu wada tasbiixsado.
Ayadoo iskulka joogto, markaas ka soo baxday xiisad, lana fadhisa saaxiibteed Foos ayaa warqad qoraal ah(Messege) soo galay mobilkeedii, Foos ayaa ka daftay oo aqrisay inkastoo Maariyo isku dayday in ay ka celiso, waxaana ku taalay sidaan:(Maariya quruxbadanidaa, oo qaayaweynidaa, qalbiguna jecelaa. xabiibti xayaati qalbigaa kaa doortay qeyrkaa, laabtaydaana kugu qoray. Ma qof kula mid ah dunidaba saaran? ila qeybso noloshoo, kalgaceelka ilaqabo. Qowl baan ku qaaday ku qayaanimaayoo. Furihii qalbigaay Maariyaa farxadii nafteydaay Maariya..!!) Foos qosol ayeey isku celin weeysay, waana rumeysan weeysay in Maariya nin jeceshahay, kana qarisay, kuna tiri:” Maxuma laakiin yuu noo ahaa? micnaha intuu naga soo galay gaaygaan macaanto?” Maariya inta fiirisay ayeey ka aamustay, Foos oo aamusnaashadaas ka fahantay in Maariya wax ka qarineyso ayaa ku tiri:” Maariya in wax la jeclaado ceeb ma ahan, laakiin in la qariyo ayaa ceeb.. warqada heesta ku taala caadi maba ahan masa gabay ayaan dhahaa? waa heer sare, laakiin waxaan ka cabsanaa in warkiisa aad rumeysatid kadibn uu bohol kugu rido, adduun iyo aakhiro ku dhaafiyo ninkaan, nin wax la aamino lahan anaa ku iri!” Maxeey ugu jawaabee suaalaha saaxiibteed? Siduusa u sharaxee in ninkaan sidaan u jecel aysan waligeed arkin? Sideesa saaxiibteed kaga rumeysan doontaa in ay ku kalsoontahay jaceylka oo u haayo ninkaan, isla maarkaasna in ay wax wada hadal ah kala sameeyso arintaas hada u baahneen? Foos maxeey sameeyn doontaa?!
La soco qaybta sadaxaad ee sheekada “Paltalk waa Mucjisa!” si aad u ogaatid jawaabaha suaalahaan aqristaha sharafta badanow!

W/Q Ifraax Yusuf (Ifka) samsam_1989@hotmail.com

Fiiro Gaar Ah :- Qoraalkaan xaquuqdiisa waxaa leh qoraaga ku saxiixan amar la,aan waa ka mamnuuc in la qaato ama la bedelo ilaa ogolaasho laga helo qoraaga sheekada iska leh

Faafin Somalifans.co.cc