Video Cameroon 2 – 2 Tunisia

Video Gabon 1-2 Zambia

Xulka Qaranka Tunisia ayaa ka haray Ciyaaraha Africa kadib markii aay bar bar dhac la galeen Xulka Cameroon, Tunisia ayaa bilowday goolasha Daqiiqadi Kowaad waxana Goolka u dhaliyey Xiddiga Amen Chermiti, Isla goolka ayaana Ciyaartu ku dhamaatay Qeybtii Kowaad, Balse Qeybtii Labaad ee Ciyaarta Ayaa Daqiiqadii 46 waxa gool u dhaliyey kooxda Cameroon Xiddiga Samuel Eto’o, Tunisia ayaa hadana dib ugu soo Celisay ciyaarta gacanteeda kadib markii u daqiiqadii 63 Gool isku dhaliyey xiddiga Cameroon u Ciyaara oo lagu magacaabo Chedjou, Balse Farxaadii Reer Tunisia waxa hor joogsaday Xiddiga Landry N’Guemo oo dhaliyey Goolkii barbar dhaca ee Ciyaarta isaga oo kulankii ka dhigay Labo Iyo Labo taasi oo aay Tunisa kaga hartay Ciyaaraha Africa ee Sanadkan

Kooxda Tunisia ayaa ku hartay bar bar dhaca ciyaartu ku dhamatay, Iyada oo aay halka ka fa’iideysatay kooxda Zambia oo iyadu Labo Gool iyo Hal ku dharbaxaday Kooxda Gabon, Labada Gool ee Zambia waxa u kala dhaliyey xiddigaha Kalaba Iyo Chamanga , Goolka Keliya ee Gabon waxa u dhaliyey daqiiqadii 83 Xiddiga Bedelka ku yimid ee Fabrice Do Marcolino

Haddaba Group D Waxa ka soo baxay Cameroon Iyo Zambia

Xiddiga Osaze Odemwingie ayaa noqday Halyeeyga Kulankii Nigeria iyo Mozambique kadib markii u dhaliyey labo ka mid ah Goolashii Saddexda aha ee Nigeria kaga guuleysatay Xulka Mozambique, goolka Saddexaadna waxa dhaliyey Xiddiga Obafemi Martins +Sawiro

Ciyaar yahan Odemwingie ayaa ah xiddig khadka dhexe uga ciyaara kooxda Lokomotiv Moscow ee dalka Russia, waxana u caawa noqday Xiddiga Ciyaarta

Kooxda Horyaalka heysata Lixda jeer  ee Masar ayaa ka guuleysatay Xulka Benin kadib markii aay ku gaaracay Labo Goal iyo Waxba, Goolasha Masar waxa u kala dhaliyey xiddigaha kala ah Mohamady Iyo A. Meteb

Group C ayaa waxa ka soo baxay Kooxda Masar oo kaalinta kowaad ku soo baxday Iyo weliba Kooxda Nigeria

AFP

Ciyaar aad u xiiso badan oo dhexmartay Martigeliyaha Koobka Africa ee Sanadka 2010 Angola Iyo Weliba Algeria ayaa ku dhamatay barbar dhac, Gool la’aan ah

Ciyaartan oo lagu Ciyaarayey Magaalada Caasimada ah Ee Luanda, ayaa waxa u soo dawasho tegey Boqolaal Reer Angola ah oo taageersana Xulkooda, In kasta oo Ciyaartu aheyd mid Xamaasad badan wodata hadana wax goolal ah la iskama dhalin

Xulka Angola ayaa ku soo baxay Shan Dhibcood, Halka Xulka Algeria u ka laha Afar Dhibcood

Ciyaarta Algeria iyo Angola ayaa waxa barbar socday Ciyaar kale oo u dhaxeysay Xulalka Mali Iyo Malawi, Ciyaartan ayaa ku dhamatay Saddex gool Iyo Hal Oo guushu ku raacday Xulka Mali

Daqiiqadahii Kowaad iyo Saddexaad Ayaa Xulka Malawi waxa goolal kaga naxsaday Xiddigaah Federic Kanouté Iyo Keita, Goolka Saddexaad ee Mali waxa Saxiixay Xiddiga Bagayoko, Goolka Agoonka ah ee kooxda Malawi waxa u saxiixay Xiddig lagu magacaabo Mwafulirwa Daqiiqadii 58 ee qeybta dambe ee Ciyaarta

Xulka Cameroon ayaa iska fujiyey kooxda Zambia oo aheyd koox aad u adag, Ciyaarta Cameroon Iyo Zambia ayaa ku dhamaatay Saddex Gool iyo Labo, waxana guushu ku raacday Saddex Gool Xulka Qaranka Cameroon oo u hoggaaminayo Xiddiga Sammuel Eto’o

Goolasha Cameroon waxa kala dhaliyey Xiddigaha kala ah Geremi, Eto’o Iyo Goolka Guusha oo u Dhaliyey Xiddiga Idrissou

Xulka Zambia Waxa labada gool u kala dhaliyey xiddigaha kala ah Mulenga, Iyo Xiddiga Katongo oo isagu Gool ku laad dhaliyey daqiiqadii 82 ee qeybta dambe

Kooxda Tunisia Iyo kooxda Gabon ayaa ku kala tegey Gool la’aan Eber iyo Eber

Group-kan Oo ah Group D Waxa Hoggaaminaya , Xulka Gabon oo Afar Dhibcood leh, Waxa ku Xiga Xulka Cameroon Oo Saddex Dhibcood leh , Waxa kaalinta Saddexaad ku jira Xulka Tunisia oo Labo Dhibcood Leh, Zambia ayaa ugu hooseysa oo Hal Dhibic Leh