Markey Tixdaas dhameysay ayay ku booday sidaa dhalaan ay dhashay, Qalinka ayaana habeenkaas lagu duugay in Daacad lagu wada socdo oo aan la is qiyaamin, wax la balamaba waxa is-guray waqtiga, waxayna wada socdeen muddo Hal sano Iyo bar ah, cid walbana wey isku ogaatay, walow Samiiro ay aheyd mid lacagta ka lista ragga, Saacidna waxaa uu aha deeqsi jaceylkiisa gadanaya wayo Habeenkii uusan wax wadanin looma riyaaqayo, isaguna wuu iska adkeysanayay, wax walbana waxaa uu ka jeclaa Kulankooda, iyagoo sidaas la yahay ayaa Samiiro oo ka timid Xaafadda Saaxiibteed waxaa Indhaha ku dhuftay Mahad oo is-mooda Rock Filer, (Ninkii malr adduunka ugu lacagta badanaa), watana gaari cad oo kala jiidan wuxuu muraya Haadka ka arkay naagtaan is-walaaqeysa, wuxuu go’aan ku gaary in u qaado gabadhan geeyana meesha ay u socoto, gaariga ayuu ku soo beegay, wuxuuna yeeriyey hoonka, Samiiro markii aay qoraansatay waxay aragtay Mahad oo gacanta u haatinaya, Intey xabadka gacanta saartay Ayay tiri ”Ma Aniga?”, isagana intuu madaxa ruxay ayuu ilinka gaariga u furay, Markii ay kursiga gaariga ku fariisatayba waxaa uu yiri ‘Macaaney tariib meesha aad doonto aniga ku geynayo”, ”Mahadsaniid Aboowe” Ayey tiri, waxayna fiirin ku bilowday horteeda

Halkaan Ka Akhriso Qeybtii Kowaad

Mahad isaga oo la moodo mid heley wuxuu donayay ayuu u tirayay Tixdan, isaga oo adeegsanaya Qibrad dheer oo uu u laha haasawida Dumarka, wuxuuna tixdiisa ku bilaabay Sidaan

Qureyshtii Haweenkaay

Qaalidii aan doortaay

Qalbigaad iga qaaday

Qoortaada dheer Iyo

Qosolkaan qareexada ah

Qunyar socodka laafyaha

Qiyaastaan la yaabo

Qalinka iyo Luul

Qiimahaaga ka weyn

Qandhada i kedisay

Qur’aan igama qaadee

Qawlkeyga Yeel

Markuu intaas marinayo ayey arkay garigii oo jidka kala bixi rabo, iyaduna indhaha Qabsatay, weyna naxday Samiiro waxayna u qaadatay inay Shil galeen, Nasiib wanaag way badbaadeen waayo daahir wuxuu khibrad fiican u lahaa kaxeynta gaawarida noocii uu doono, Wixii ay soo socdaanba waxa uu keenay meel aan ka fogeyn Xaafadeeda, Waxayna iyada oo degi rabta ku dhawaaqday Samiiro Ereyadaan

Qumanow Aboowe

Quruxdaad igu sheegtiyo

Qorshahaad iga leedahay

Khilaafi maayo warkaaga

Qawl in aan iska qaadno

Qalad iyo quursimaad

Qaaf aan iska dhowro

Qaadirkey hanoo kasoo

Quud in aan wadaagnoo

Qoyskaaga aan ahaado

Qiyaas ii aragoo

Qoorshaheena dahmee

 

 

La Soco Qeybta Dambe

Filed under: Uncategorized Tagged: | SHEEKO