Mas’uuliyiinta wasaarada difaaca ee dalka faransiiska ayaa sheegay in dalka faransiiska u qabtay 11 burcad badeed ah maanta oo arbaco ah
Markab kuwa dagaalka oo uu leeyahay waddanka Faransiiska ayaa qabtay 11 burcad badeed Somali ah, oo marayay meel ka baxsan xeebaha waddanka Kenya, iyadoo ay soo baxayaan baaqyada beesha caalamka ee in wax laga qabto dhibaatada burcad badeedda
Burcadda ayaa waxa la qabtay saacado yar kadib markii uu markab Mareykanku leeyahay ka baxsaday weerar burcadda Somalidu ay ku qaadeen
Dhinaca kalena maxkamada derejada kowaad ee magaalada Bosaso ayaa maanta min saddex sano oo xarig ah ku xukuntay 27 burcad badeed oo ay horay u soo qabteen ciidamada Farasniiska kadibna ku wareejiyeen ciidamada ilaalada baddaha ee Maamulka Puntland, xukunka ayaa la sheegay inay burcad badeedu racfaan ka qateen iyaga oo sheegay inay aysan aheyn burcad balse yahiin kaluumeysato sidaa aay hadalka u dhigeen
Sidoo kale Booliska wadanka Faransiiska ayaa su’aalo weydiinaya saddex burcad badeed Somali ah kuwaasi oo ay qabteen ciidamada commandos-ka ee Faransiiska markii ay weerar ku qaadeen dooni kuwa dalxiiska ah oo burcad badeedu afduubteen
Dowladda Faransiiska ayaa saddex burcad badeedda ah keentay waddankeeda, iyadoo sheegtay inay tallaabo adag ka qaadeyso burcadda isla markaana maxkamad la soo taagi doono saddexda ay iminka hayaan
Yusuf Cali
Somalifans Online
Nagala Xiriir Somalifans@gmail.com Ama Somalifans@hotmail.com
