Maxaan in muddo ah ku jiray raaxo aad u weyn, laakiin maxa dhacay, waa subax ay aad igu weyn, waxaa i hareeyay murugo markii aan mataantii qalbiga ka arkay meel aan iga fogeyn, waan jiriricooday, xaaddeydiina istaagtay, waxaan la soo booday ”Haye Gacaliso maxaa ku keenay halkan” waxay igu Tiri ”Oh May God! waa maxay camalka aad heyso, waxaana ku iri
Ayaantan ku arkaayay
Amar weeye qornaa
Inaan ku caashaqee
Cadigeyga ku taal
Ku caleemo saartee
Ceesha ila wadaagtaa
Camalkeedii hayee
Ceeb miyaan lahaa?
Jawaab > Ceeb ma lahan warkaagee
Camalka ad falayso
Ima cajabin Aboowe
S. Ceynka aad u hadashay
Waa mid caloosha i huriyee
Yaad kaloo calmatee
Caynaanka kuu haya ?
J. Ceesha inaan kula wadaagee
Caruur aan kuu dhalaa
Cirkaa oogadeen suran
Dhulka aan ku taaganahay
Markay is caashaqaan
Ceesh wadaagaan
Ayaan cindigeyga kugu qaban
S. Laqwi weeye warkaan iyo
Laqdabo la soo maleegay
yaa ku qaldoo
qawlkan kuu dhiibay?
J. Aamus inanyahow
Afkaa edebtiisa lahow
haddii kale waxaad la kulmi
Ciqaab aad u daran iyo
Cawaaqib xumo aan
Ka soo kabasho laheyn
Markii intaa aan is dhaafsanay ayay dhaqaaqday anna waxaa i hoos dhoobnaa kabo aan caseynayay, waan murugooday waxaana i dul yimid saaxiibkay Suufi, isagoo iga qancinaya xaladdan cusub ee i soo wajahday waayo wuu maqlayay hadallada aan is dhaafsanay, waxuuna igu yiri ”Saaxiib iska sabar waa adduun waayo waxaad tahay nin shaqeysanaya, shaqaduna waxa ay ka fiican tahay shaxaadka, marka sheekadaana waxaa ku udambeeyay wiil sahro doondoonayay kaasoo adiga kor kaa tusay, marka haddii jeceylkaaga dhab yahay waad heleysaa Insha Allaah, waxaan muujiyay Aamusnaan yar, kaddibna waxan iga soo burqaday Erayadan
Ninkii Dabiray Naftiisa
Ka daboolay Xumaan
Kula dardaarmay
Dawiri ceesh dambi miyuu galoo
Lagu dul-dali karaa?
Dowga aan ka hadlaayo
Waa dareen ximbaarsan
Jaceyl lagu maldahay wanaag
Lagu doonayo kalsooni
Ee dadyahow qumani
Qiimeeya jacaylkee
Maxaan qaban karaa
Oon ku qancin karaa?
mise waan ka durqaa
Da’yartaan calmadee
Caloosheyda ka taal
Dow kale iima furnee
I dabiiba ama i daweeya dadyahow
Daahir Markii uu ii dhameeyay sheekadii ayaa ilmo indhihiisa soo dhaafeen, Aniga la kaftamaya ayaan waxaan ku iri ”Ma laga yaabaa inaad mar kale ku rogaal celiso jaceylkaagii, Daahir waxa uu iigu jawaabay ”Weli waxaa igu yaal dhaawicii oo aan weli bogsan marka adiga ha iga damqin”
Dhamaad
Waxa qoray Buuga CAASHAQII CASEEYAHA Professor Cabdishakuur Cilmi Maxamed
Waa garaaciddii Hagar la’aaneed ee Yusuf Cali
Fadlan akhristow isku day inaad ka soo jawaabto hal xiralahan soo socda
DHIBIC MALAB AH WAXAAD KU UGAARSAN KARTAA IN KA BADAN INTA AAD KU UGAARSAN LAHEYD FUUSTO DACAR AH?
Fadlan haddaad haleesho jawaabta waxaad kasban doontaa haddiyad qaali ah oo ay idiinku tala gashay Somalifans.Net qeybta talo bixinta Arrimaha jaceylka, noogu soo hagaajiya Jawaabta Hal Xiralaha, E-Mail Yusufcali@Hotmail.co.uk
Afeef – Akhristow waxad ka masuul ka tahay sixidda buuggan, waayo waxaanu nahay Binu Aadam, waana hilmaami kara wax badan waayo isaga ayaaba ka sameysan hilmaan MAHADSANIID
Faafin Somalifans.Net
Nagala Xiriir Somalifans@gmail.com Ama Somalifans@hotmail.com
