Faanka Iyo Suugaanta – Qalinkii Yusuf Cali

Qormadeennan fanka iyo suugaanta oo aan ugu tala galnay in aan dib ugu soo nooleyno xusitaanka tariikhda fanka iyo suuganta qaaliga ah ee ay soomaalidu caanka ku tahay, waxa aan maanta jecelnahay in aanu maqaal waliba ku soo qaadanno Maahmahyo,Gabayo,Geeraarro Iyo Noocyada kale ee fanka oo ay tiriyeen abwaannada somaliyeed ee qaarkood, tariikjda somaliyeed baal dahab ah kaga jiran.

haddaba , walaalyaal cadadkan ugu horeya Ee Suugaanta u idiin Soo gudbin doono Website-ka Somalifans.Net waxa maanta ugu horeya Guurow la magac baxay ” HOOYADU WAA LAMA HURAAN” oo uu tiriyey Abwaan Careys Ciise Khaarsh Allaa ha u naxariiste .

Abwaanka isaga oo dareenkiisa ku cabbiraya qiimaha iyo qaayaha aan la soo koobi karin ee aay hooyadu leedahay ayuu waxa u Yiri ”

Hagaag waa loo socdaa hor waa loo sii hoydaa

Hadal waa hindisaa mudaan uurka hurudnoo

Culeys beey hayn jirtoo xannuun beey la hingatee

Hooyadu waa lama huraan

Ha’dii kale waxaan lahaa

Habeen goor uu bartamay caanihii beey nagu habtoo

Horaadkeey noo dhigtoo dharkii beey na huwisee

Hooyadu waa lama huraan

Calooshaadoon hif oran adiga oon ka haqab bin

Hunguri ma haweeysatee hooyadu waa lama huraan

Habaaq goor aad tahoo talaabta aan la hori karin

adoo ciidii hambaday dhaqsaba waa ku hinjisaye

Hooyadu waa lama huraan

Afka aan ku hadalniyo hanaankeeniyo hub qaad

Hagaag beey noo bartaye hooyadu waa lama huraan

Ha’dii kale waxaan lahaa

Innaga oon heybad qabin hal beeso aan subsan karin

Habaaskeey naga huftoo waa tii noo hiilisaye

Hooyadu waa lama huraan

Si eeynaan halis u galin hungurigeey suubisarkua

Dhaqsaba hoo nama dhahdee intii eey ka

Hubsataa iyada ayaa ku hormartee – Hooyadu waa lama huraan

Hadii Kale waxaan lahaa

Rerku haduu yahay hayaan hayinka aan saaran nahay

Higaankeey heeysatoo hoos beey kaala hadashoo

Intii aad ka hurudaa waa kuu heestaa hadana

Hooyadu waa lama huraan

Cilmiga shiikh ku hormariyo nin haamaan ah iyo hanad

Iyadaa soo heeyn jirtee – Hooyadu waa lama huraan

Hadii loo baahdo hiil geesiga loo habar wacdiyo

Fulayga aan haadka hubin iyadaa soo heyn jirtee

Hooyadu waa lama huraan

Ha’dii kale waxaan lahaa

Deeqsi aad soo heybsatoo hamuuntii kaa ba’ shiyo

Bakhayl aan kula hadleyn iyadaa soo heyn jirtee

Hooyadu waa lama huraan

Aabuhu waa howsha guud iyana hoos beey hayaan

Habantii guriga iyo hooygii beey noo huftaye

Hooyadu waa lama huraan

Ha’dii kale waxaan lahaa

Geed yare kaa hooshey meel hadii aad haah dhehdaa

Hubkii beey ka hindadoo iyada oon hagar laheyn

Haaw waa tii soo dhadee

Hooyadu waa lama huraan

Odaygu waa haajiraa hawuu meel ugu kacaa

Haduusan mowdku helin hortaadeey taagan tahee

Hooyadu waa lama huraan

Ha’dii Kale waxaan lahaa

Habeenkaad soo dhexdaa hurdada aad heshoo

Qalbiga waa ka hamidoo hiloow beey kuu qabtaye

Hooyadu waa lama huraan

horey adigoon aheyn dadkii beey u hanjabtoo

halyeey beey kaa dhigtoo Amaan beey ku huwisaye

Hooyadu waa lama huraan

Ha’dii Kale waxaan lahaa

Abaarta hawaarastiyo haraad meel loogu go’ay

Heeyhaata uu dhaanku yahay cirkuna haawanahayaa

Halihi eey soo heshaa hadeey hoo’ ina dhehdaa

Inaga oon soo hambeyn waatii aan heensanoo

Hamuuteedii horiyo dhab beey la hagoogataye

Hooyadu waa lama huraan

Sidii awr haama wada dusheedaan halabsanoo

Hah goortaa nama dhahdee waa noo sii hoorsataye

Hooyadu waa lama huraan

Ha’dii kale waxaan lahaa.

 

 

WAA SOCDAA

 

 

Walaalayaal haddii wax fikir ah inoo soo jeedinaysa oo ku saabsan dhinaca fanka iyo suugaanta ama inoo heyso murti ay somalidu leedahay, waxa aan ku soo dhoweynaynaa sharaf , fadlaan nala dareema muhiimadda ay noo leedahay in aan dib u soo nooleyno murtida somaliyeed

Taftiraha Somalifans.Net

Yusuf Cali

Yusufcali@hotmail.co.uk

 

 

Somalifans.Net Hargeisa